సౌతాఫ్రికా లెజెండ్స్‌ పై ఇండియన్‌ లెజెండ్స్‌ ఘన విజయం

రోడ్ సేఫ్టీ వరల్డ్ సిరీస్‌లో ఇండియా లెజెండ్స్ శుభారంభం చేసింది. దక్షిణాఫ్రికా దిగ్గజాలపై ఘన విజయం. రహదారి ప్రమాదాల గురించి అవగాహన కల్పించే లక్ష్యంతో భారత రోడ్డు రవాణా, రహదారులు మరియు ఐటీ మంత్రిత్వ శాఖ రోడ్ సేఫ్టీ వరల్డ్ సిరీస్ - 2022 సీజన్‌ను నిర్వహిస్తోంది. ఇప్పటికే ఒక సీజన్ పూర్తి చేసుకున్న ఈ టోర్నీ మళ్లీ అభిమానులను అలరించేందుకు సిద్ధమైంది. ఈ సిరీస్ రెండో సీజన్‌లో భారత లెజెండ్స్ జట్టుకు సచిన్ టెండూల్కర్ కెప్టెన్‌గా వ్యవహరిస్తున్న సంగతి తెలిసిందే. భారత దిగ్గజాలతో పాటు ఆస్ట్రేలియా, శ్రీలంక, వెస్టిండీస్, దక్షిణాఫ్రికా, బంగ్లాదేశ్, ఇంగ్లండ్‌లకు చెందిన దిగ్గజ జట్లు బరిలోకి దిగాయి. ఈ సీజన్‌లో తొలి మ్యాచ్ కాన్పూర్ వేదికగా జరిగింది. భారత్ దిగ్గజాలు, దక్షిణాఫ్రికా దిగ్గజాలు తలపడ్డారు. ఇక భారత దిగ్గజం ఆల్ రౌండర్ స్టువర్ట్ బిన్నీ (42 బంతుల్లో 82 పరుగులు, 5 ఫోర్లు, 6 సిక్సర్లు నాటౌట్) చెలరేగి ఆడాడు. దీంతో భారత్ నిర్ణీత 20 ఓవర్లలో 4 వికెట్లు కోల్పోయి 217 పరుగుల భారీ స్కోరు చేసింది. ఆ తర్వాత ఆదుకున్న దక్షిణాఫ్రికా దిగ్గజాలు 20 ఓవర్లలో 9 వికెట్లు కోల్పోయి 156 పరుగులకే పరిమితమైంది. భారత్ 61 పరుగుల తేడాతో విజయం సాధించింది. బిన్నీ మ్యాన్ ఆఫ్ ద మ్యాచ్‌గా నిలిచాడు. భారత బ్యాట్స్ మెన్ నమన్ ఓజా (21), సచిన్ (16), సురేశ్ రైనా (33), యువరాజ్ సింగ్ (6), యూసుఫ్ పఠాన్ (35 పరుగులు, 15 బంతుల్లో 1 ఫోర్, 4 సిక్సర్లు) ఫర్వాలేదు. బౌలర్లలో రాహుల్ శర్మ 3 వికెట్లు తీయగా, మునాఫ్ పటేల్, ఓజా తలా 2, ఇర్ఫాన్ పఠాన్, యువరాజ్ తలో వికెట్ తీశారు.