"ఇండియా ఉత్పవ్ 610" పేరుతో...ఇండియన్ బ్యాంకు స్పెషల్ స్కీమ్‌

బ్యాంకులు కూడా అపుడప్పుడు తమ కస్టమర్ల ప్రయోజనాల కోసం కొన్ని ప్రత్యేక పథకాలు ప్రవేశపెడుతుంటాయి. తాజాగా  ప్రభుత్వ రంగానికి చెందిన ఇండియన్ బ్యాంకు స్పెషల్ స్కీమ్‌ను ప్రవేశపెట్టింది. రిటైల్ ఇన్వెస్టర్ల కోసం స్పెషల్ ఫిక్స్‌డ్ డిపాజిట్ ప్రొడక్టును లాంచ్ చేసింది. అయితే ఇది లిమిటెడ్ పిరియడ్‌లో మాత్రమే అందించనుంది. "ఇండియా ఉత్పవ్ 610"పేరుతో ఈ స్పెషల్ ఫిక్స్‌డ్ డిపాజిట్ ప్లాన్‌ను ఇండియన్ బ్యాంకు తీసుకొచ్చింది. ఈ స్కీమ్ టెన్యూర్ 610 రోజులని బ్యాంకు తన అధికారిక వెబ్‌సైట్‌లో పేర్కొంది. సాధారణ ప్రజలకు ఈ ఫిక్స్‌డ్ డిపాజిట్‌ స్కీమ్‌పై బ్యాంకు 6.10 శాతం వడ్డీని ఆఫర్ చేయనుంది. అలాగే సీనియర్ సిటిజన్లకు 6.25 శాతం, 80 ఏళ్లు పైబడని సూపర్ సీనియర్ సిటిజన్లకు 6.5 శాతం వడ్డీ రేటును అందించనుంది. ఇండియన్ బ్యాంకు "ఇండియా ఉత్పవ్ 610"" స్పెషల్ టర్మ్ డిపాజిట్ ప్లాన్ తుది గడువు అక్టోబర్ 31, 2022తో ముగుస్తుంది.

ఇండియన్ బ్యాంకు కస్టమర్లు స్పెషల్ ఫిక్స్‌డ్ డిపాజిట్ ప్లాన్‌ను INDOASIS app ద్వారా బుక్ చేసుకోవచ్చు. బ్యాంకు కస్టమర్లు తేలిగ్గా, సౌకర్యవంతంగా ఇంట్లోనే కూర్చుని కాగితరహిత విధానం ద్వారా ఈ "ఇండియా ఉత్పవ్ 610"" ఫిక్స్‌డ్ డిపాజిట్ స్కీమ్‌ను బుక్ చేసుకోవచ్చని ఇండియన్ బ్యాంకు తెలిపింది. ఇండియన్ బ్యాంకు చివరిసారి గత నెలలో 24వ తేదీన వడ్డీ రేట్లను మార్చింది. ఈ అడ్జెస్ట్‌మెంట్ తర్వాత.. ఇండియన్ బ్యాంకు 7 రోజుల నుంచి ఐదేళ్ల పైబడిన కాల వ్యవధి కలిగిన ఫిక్స్‌డ్ డిపాజిట్లకు 2.80 శాతం నుంచి 5.65 శాతం మధ్యలో వడ్డీ రేట్లను ఆఫర్ చేస్తుంది. ఇండియన్ బ్యాంకు ప్రస్తుతం మూడేళ్ల లేదా ఐదేళ్ల కంటే తక్కువ కాల వ్యవధిలో మెచ్యూర్ అయ్యే ఎఫ్‌డీలపై నాన్ సీనియర్ సిటిజన్లకు 5.75 శాతం, సీనియర్ సిటిజన్లకు 6.25 శాతం వడ్డీని అందిస్తుంది.

మరో ప్రభుత్వ రంగ బ్యాంకు అయిన ఇండియన్ ఓవర్‌సీస్ బ్యాంకు రూ.2 కోట్ల తక్కువున్న తన ఫిక్స్‌డ్ డిపాజిట్లై వడ్డీ రేట్లను పెంచింది. ఈ కొత్త వడ్డీ రేట్లను సెప్టెంబర్ 13, 2022 నుంచి అంటే మంగళవారం నుంచి అమల్లోకి తెస్తుంది. ఈ సవరణతో.. బ్యాంకు అన్ని టెన్యూర్లపై వడ్డీ రేట్లను పెంచింది. 7 రోజుల నుంచి మూడేళ్ల కాల వ్యవధిలోని ఫిక్స్‌డ్ డిపాజిట్లపై బ్యాంకు 3.25 శాతం నుంచి 5.85 శాతం మధ్యలో వడ్డీ రేట్లను ఆఫర్ చేస్తుంది.