ఏపీ ఎన్నికల కమిషనర్ కీలక ఆదేశాలు జారీ
Andhra Pradesh Telugu | Suryaa Desk | Published : Fri, Sep 16, 2022, 08:42 PM
ఏపీలో కొత్తగా అందుబాటులోకి వచ్చిన గ్రామ, వార్డు వాలంటీర్ల వ్యవస్థకు సంబంధించి ఎన్నికల కమిషనర్ ముఖేష్ కుమార్ మీనా శుక్రవారం కీలక ఆదేశాలు జారీ చేశారు. ఎన్నికల విధుల్లో ఎట్టి పరిస్థితుల్లోనూ వాలంటీర్లను వినియోగించుకోవద్దని జిల్లా కలెక్టర్లు, రిటర్నింగ్ అధికారులకు ఆయన ఆదేశాలు జారీ చేశారు. ఈ మేరకు శుక్రవారం జిల్లా కలెక్టర్లు, ఎన్నికల రిటర్నింగ్ అధికారులతో సమావేశమైన సందర్భంగా మీనా ఈ ఉత్తర్వులు జారీ చేశారు. ఈ సందర్భంగా గ్రామ, వార్డు వాలంటీర్లు ఎన్నికల విధుల్లో పాల్గొనకుండా చర్యలు తీసుకోవాలని అయన అధికారులకు ఆదేశాలు జారీ చేశారు. ఓటరు కార్డుతో ఆధార్ అనుసంధాన ప్రక్రియలో వారిని భాగస్వాములను చేయవద్దని సూచించారు. ఎన్నికలకు సంబంధించి ఎలాంటి పనులు అప్పగించవద్దని వాలంటీర్లను ఆదేశించారు. ప్రభుత్వ జీతాలు తీసుకుంటున్నందున వారిని భాగస్వాములను చేయవద్దని మీనా ఆదేశాలు కూడా జారీ చేశారు.
|
|