ట్రెండింగ్
సీఎం గారూ మీకు వికేంద్రీకరణకు అర్థం తెలుసా...నారా లోకేష్
Andhra Pradesh Telugu | Suryaa Desk | Published : Fri, Sep 16, 2022, 08:49 PM
సీఎం గారూ మీకు వికేంద్రీకరణకు అర్థం తెలుసా అంటూ అసెంబ్లీ సమావేశాల్లో ముఖ్యమంత్రి వై.ఎస్.జగన్ ప్రసంగంపై టీడీపీ జాతీయ ప్రధాన కార్యదర్శి నారా లోకేశ్ సెటైర్లు వేశారు. వికేంద్రీకరణపై సీఎం వివరణపై సెటైర్ వేశారు. సీఎం గారూ మీకు వికేంద్రీకరణకు అర్థం తెలుసా? అని ప్రశ్నించారు. బంగాళాదుంపలు, ఉల్లిపాయలు, కందిపప్పు, పామాయిల్ పంచగలగడం వికేంద్రీకరణ అంటారా? వాహ్ సీఎం గారూ... మీ విజ్ఞతకు, వివరణకు, విజన్ కు పెద్ద నమస్కారం అంటూ లోకేశ్ వ్యంగ్యం ప్రదర్శించారు. అంతేకాదు, నిన్నటి సభా సమావేశాల్లో సీఎం జగన్ వికేంద్రీకరణ అంశంపై ప్రసంగించిన వీడియో క్లిప్పింగ్ ను కూడా పంచుకున్నారు. గోదావరి వరదల సందర్భంగా తమకు ప్రభుత్వం సాయం అందలేదనని ఏ ఒక్కరూ కూడా, ఇది వికేంద్రీకరణ వల్లే సాధ్యమైందని సీఎం జగన్ పేర్కొనడం ఆ వీడియోలో చూడొచ్చు.
|
|