ట్రెండింగ్
ఎంపీపీ కి "రావి"వర్గీయుల కౌంటర్
Andhra Pradesh Telugu | Suryaa Desk | Published : Tue, Sep 27, 2022, 12:35 PM
తమ నేతపై విమర్శలు, ఆరోపణలు చేసిన కారంచేడు ఎంపీపీ నీరు కట్టు వాసుబాబు కు పర్చూరు నియోజకవర్గ వైసీపీ ఇన్ ఛార్జి రావి రామనాథంబాబు వర్గీయులు కౌంటర్ ఇచ్చారు. వాసుబాబు వన్నీ నిరాధారమైన ఆరోపణలని కారంచేడు వైస్ ఎంపీపీ యార్లగడ్డ సుబ్బారావు సోమవారం మీడియా సమావేశం లో పేర్కొన్నారు. అంతకు వారం రోజుల ముందు స్వర్ణ గ్రామంలో జరిగిన గడప గడపకు మన ప్రభుత్వం కార్యక్రమాలు శతదినోత్సవ వేడుకలలో రావి రామనాథంబాబు ను ఆకాశానికెత్తిన ఎంపీపీ వాసుబాబు గళంలో ఈ ఆకస్మిక మార్పు ఏమిటని ఆయన నిలదీశారు. తామూ విషయాలన్నీ పార్టీ హైకమాండ్ దృష్టికి తీసుకువెళతామని సుబ్బారావు తెలిపారు. యార్లగడ్డ బుల్లిబాబు, రామ్మోహన్ రావు, బుల్లయ్య, కొసరాజు సుమంత్ తదితరులు పాల్గొన్నారు
|
|