తిరుమల బయలుదేరనున్న సీఎం జగన్
Andhra Pradesh Telugu | Suryaa Desk | Published : Tue, Sep 27, 2022, 01:29 PM
తిరుమల శ్రీ వేంక‌టేశ్వ‌ర‌స్వామి వార్షిక బ్ర‌హ్మోత్స‌వాల సంద‌ర్భంగా సీఎం జగన్ నేడు తిరుమలకు వెళ్ల‌నున్నారు. శ్రీ‌వారి బ్ర‌హ్మోత్స‌వాల సంద‌ర్భంగా ప్ర‌భుత్వం త‌ర‌ఫున స్వామివారికి పట్టువస్త్రాలు సమర్పించనున్నారు. నేడు, రేపు తిరుమల ప‌ర్య‌ట‌న అనంత‌రం నంద్యాల జిల్లాలో సీఎం ప‌ర్య‌టిస్తారు.
మ‌ధ్యాహ్నం తాడేప‌ల్లిలోని త‌న నివాసం నుంచి బ‌య‌ల్దేరి 3.45 గంటలకు గన్నవరం ఎయిర్‌పోర్ట్ చేరుకున్నారు. అక్కడి నుంచి రేణిగుంట విమానాశ్ర‌యానికి బ‌య‌ల్దేర‌తారు. 5.20 గంటలకు తిరుపతి గంగమ్మ తల్లి ఆలయానికి చేరుకుని ప్రత్యేక పూజల్లో పాల్గొంటారు. ఆ తర్వాత అలిపిరి చేరుకుని తిరుమలకు విద్యుత్‌ బస్సులను ప్రారంభిస్తారు. రాత్రి 7.45 గంటలకు తిరుమలలో బేడి ఆంజనేయ స్వామిని దర్శించుకుని అక్కడి నుంచి బయలుదేరి శ్రీవారికి పట్టువస్త్రాలు సమర్పించి, స్వామిని దర్శించుకుంటారు. రాత్రికి తిరుమలలోనే బసచేస్తారు.
|
|