టోల్ గేట్ వద్ద భారీగా నోట్లకట్టలు స్వాధీనం
Andhra Pradesh Telugu | Suryaa Desk | Published : Thu, Oct 27, 2022, 11:01 AM
గుంటూరు జిల్లా మంగళగిరి నగరపరిధిలోని కాజ టోల్ గేట్ వద్ద బుధవారం అర్థరాత్రి మంగళగిరి రూరల్ పోలీసులు వాహన తనిఖీల్లో భారీమెత్తంలో నగదును గుర్తించారు. పోలీసు విధుల్లో భాగంగా గత రాత్రి టోల్ గేట్ వద్ద వాహనతనిఖీలు నిర్వహిస్తున్న క్రమంలో విజయవాడ - నంధ్యాల ఆర్టీసీ బస్సును అర్థరాత్రి 12: 30 గంటల సమయంలో చెక్ చేశారు. సుమారు 60 ఏళ్ల వయస్సు గల ఓ వ్యక్తి వద్ద భారీ మొత్తంలో నగదు లభించింది. దానికి సంబంధించి ఆ వ్యక్తి వద్ద పోలీసులు ఆరా తీశారు. తాను విజయవాడలో మెడికల్ షాపు నిర్వహిస్తుంటానని, నంద్యాలలో ఓవ్యక్తికి ఇవ్వాల్సిన భాకీ ని చెల్లించేందుకు రూ. 9. 50లక్షలు మొత్తాన్ని తీసుకువెళుతున్నట్లుగా పోలీసులకు సమాధానం ఇచ్చారు. పెద్ద మొత్తంలో నగదును పోలీసులు స్వాధీనం చేసుకుని దానికి సంబంధించి ఆధారాలు చూపించి తీసుకువెళ్ళాల్సిందిగా అతనికి తెలిపినట్లు సమాచారం. విషయాన్ని పోలీసులు గోప్యంగా ఉంచారు.
|
|