మునిషి రూపంలో పుట్టిన కుక్క..ఫోటో వైరల్
national | Suryaa Desk | Published : Sun, Nov 13, 2022, 04:40 PM
మనిషి ముఖాన్ని పోలిన వింత ఆకారంలో మేక పిల్ల జన్మించిన ఘటన మధ్యప్రదేశ్లోని విదిశా జిల్లాలో చోటుచేసుకుంది. ముందు నుంచి చూస్తే అచ్చం మనిషి ముఖాన్ని పోలి ఉండటం గమనార్హం. సిర్నోజీ తాలుకాలోని సెమల్ ఖేడీ గ్రామంలో వింత మేక పిల్ల జననం గురించి తెలిసిన చుట్టుపక్కల గ్రామాల ప్రజలు.. దానిని చూసేందుకు భారీగా తరలివస్తున్నారు. ఇది దేవుడి మహిమని, దైవమే ఇలా వచ్చిందని దానికి పూజలు కూడా చేయడం గమనార్హం. దీనికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.
మేక యజమాని మాట్లాడుతూ..అచ్చం మనిషి ముఖం పోలిన పిల్ల జన్మించడంతో ప్రతి ఒక్కరూ ఆశ్చర్యానికి గురయ్యారని చెప్పారు. ఈ మేకను తమ పిల్లలు మాదిరిగానే చాలా జాగ్రత్తగా చూసుకుంటున్నామని తెలిపారు. నోటితో పాలు తాగలేకపోతుందని.. అందుకే సిరంజ్ సాయంతో దానికి పాలు పట్టిస్తున్నామని చెప్పారు. జన్యు లోపంతోనే ఇలా జరుగుతుందని, పిండం పూర్తిగా అభివృద్ధి చెందకుండా మేక పుట్టినట్లు పశువైద్యులు తెలిపారు. నోటితో తల్లి పాలను కూడా తీసుకోలేకపోతుందని వివరించారు. ఇక, యజమాని ఈ మేకకు బట్టలు తొడిగి, కళ్లజోడు పెట్టడం విశేషం.
గతేడాది గుజరాత్లోని సోనాఘడ్ జిల్లా సెల్టీపాడా గ్రామంలో ఓ మేక వింత జీవికి జన్మనిచ్చింది. ఆ జీవి అచ్చం మనిషి ముఖాన్ని పోలి ఉంది. దీంతో దేవుడే ఈ రూపంలో జన్మించాడంటూ స్థానికులు పూజలు చేశారు. మేక పిల్ల అచ్చం మనిషి ముఖాన్ని పోలి.. కాళ్లు, చెవులు మేక ఆకారాన్ని పోలి ఉన్నప్పటికీ, తోక అసలే లేదు. అలా పుట్టిన మేక పిల్ల జన్మించిన పది నిమిషాలకే చనిపోయింది.
|
|