ట్రెండింగ్
ఘనంగా సామూహిక సత్యనారాయణ వ్రతాలు
Andhra Pradesh Telugu | Suryaa Desk | Published : Mon, Nov 21, 2022, 07:13 PM
కాళ్ళకూరు వేంకటేశ్వరస్వామి ఆలయంలో ఆదివారం సామూహిక సత్యనారాయణ వ్రతాలు నిర్వహించారు. కార్తీక మాసం ఏకాదశి సందర్భంగా ఉదయం 8:30 గంటలకు సుమారు 600 మంది జంటలతో సామూహిక సత్యనారాయణ స్వామి వ్రతం నిర్వహించారు. దేవస్థానం వేదపండితులు అనిపెద్ది ఫణికుమార్‌ శర్మ, అర్చకుల ఆధ్వర్యంలో అత్యంత వైభవముగా జరిపారు. భక్తులకు అన్నవరం సత్యనారాయణస్వామి ప్రసాదం, సత్యనారాయణస్వామి ప్రతిమ, మండపారాధన వస్త్రములు అందించారు. చుట్టుప్రక్కల గ్రామాలతో పాటు ఇతర జిల్లాల నుంచి భక్తులు పాల్గొన్నారు. భక్తులకు అసౌకర్యము కలగకుండా ధర్మకర్తల మండలి అధ్యక్షుడు దండు వెంకట కృష్ణంరాజు, సభ్యులు, గ్రామ పెద్దలు, దేవస్థానం ఈవో చాగంటి సురేష్‌నాయుడు తగిన ఏర్పాట్లు చేశారు.
|
|