మీకు ఉద్యోగం కావాలా..అయితే ధరఖాస్తు చేసుకోండిలా

నిరుద్యోగులకు ఉపాధి అవకాశాలకు ఏపీ స్టేట్ స్కిల్ డెవలప్‌మెంట్ కార్పొరేషన్ ప్రత్యేక కార్యక్రమం చేపట్టింది. ఇప్పటికే ఈ కార్పొరేషన్ ద్వారా జాబా మేళాలు నిర్వహించి గ్రామీణ, పట్టణ ప్రాంతాల్లో ని ఎంతో మంది నిరుద్యోగ యువతకు ఉద్యోగ అవకాశాలు కల్పించింది. తాజాగా.. ఈ నెల 13న మరో సారి జాబ్ మేళా నిర్వహించనున్నట్లు ఏపీఎస్ఎస్‌డీసీ వెల్లడించింది. అర్హత, ఆసక్తి కలిగిన అభ్యర్థులు ముందుగా రిజిస్టర్ చేసుకోవాల్సి ఉంటుందని స్పష్టం చేసింది. రిజిస్టర్ చేసుకున్న వారికి కడపలో ఇంటర్వ్యూలను నిర్వహించనున్నట్లు ప్రకటించారు. కాగా.. సంబంధిత కంపెనీల్లో ఖాళీలు, విద్యార్హతలు ఇలా ఉన్నాయి.

అలీ డిస్కాన్ సంస్థలో మెుత్తం 50 ఖాళీలు ఉన్నాయి. పది, ఇంటర్, డిగ్రీ, డిప్లొమా విద్యార్హత కలిగిన వారు ఈ ఉద్యోగాలకు అప్లై చేసుకోవచ్చు. కేవలం మహిళలు మాత్రమే ఈ ఉద్యోగాలకు అర్హులు. అప్లై చేసుకునే వారి వయస్సు 18-30 ఏళ్ల మధ్య ఉండాలి. ఇంటర్వ్యూల్లో ఎంపికైన వారికి నెలకు రూ.10,380 నుంచి రూ.14,986 వరకు వేతనం లభిస్తుంది. అదనంగా రూ.1500 అలవెన్స్ ఉంటుంది.

ట్రివిజన్ కాంపోజిట్ టెక్నాలజీ సంస్థలో పది, ఇంటర్, డిగ్రీ, డిప్లొమాతో పాటు బీటెక్ (మెకానికల్) అర్హత కలిగిన నిరుద్యోగులకు ఖాళీలు అందుబాటులో ఉన్నాయి. ఈ సంస్థలో మెుత్తం 61 పోస్టులు ఖాళీగా ఉన్నాయి. ఇంటర్వ్యూల్లో ఎంపికైన వారు కడపలోని కొప్పర్తి మెగా ఇండస్ట్రీయల్ పార్క్ లో పని చేయాల్సి ఉంటుంది. వీరి సంస్థలో విద్యార్హతను బట్టి వేర్వేరు ఉద్యోగాలకు వేర్వేరుగా సాలరీ ఉంటుంది. ఆయా పోస్టుల ఆధారంగా రూ.10 వేల నుంచి రూ.35 వేల వరకు వేతనం లభిస్తుంది. అయితే కేవలం పురుషులు మాత్రమే ఈ ఖాళీలకు అప్లై చేసేందుకు అర్హులుగా సంస్థ ప్రకటించింది. అప్లై చేసుకునే వారి వయస్సు 18-40 ఏళ్ల మధ్య ఉండాలని పేర్కొన్నారు.

ఉద్యోగాలకు అప్లై చేసుకునే నిరుద్యోగులు ముందుగా.. APSSDC Job Registration Link ద్వారా ముందుగా రిజిస్టర్ చేసుకోవాల్సి ఉంటుంది. అలా రిజిస్టర్ చేసుకున్న వారు ఈ నెల 13న ఉదయం 9 గంటలకు జిల్లా ఎంప్లాయిమెంట్ ఆఫీస్, O-బ్లాక్, న్యూ కలెక్టరేటర్, కడప అడ్రస్‌లో నిర్వహించనున్న ఇంటర్వ్యూలకు హాజరవ్వాల్సి ఉంటుంది. అభ్యర్థులు ఇంటర్వ్యూలకు హాజరయ్యే సమయంలో ఫార్మల్ డ్రెస్‌లో హాజరుకావాలని సంస్థ ప్రతిధులు వెల్లడించారు. ఉద్యోగాలకు సంబంధించిన మరిన్ని వివరాలు, ఏదైనా సమాచారం కావాల్సి వస్తే.. 9581670585, 8317545920 నంబర్లకు ఫోన్ చేసి సంప్రదించాలని సూచించారు.