ఏసీబీకి పట్టుబడ్డ,,బుక్కరాయ సముద్రం సీఐ రాము

అనంతపురం జిల్లా బుక్కరాయ సముద్రం సీఐ రాము రూ.25వేల లంచం తీసుకుంటూ ఏసీబీకి పట్టుబడ్డారు. ఓ విద్యా సంస్థల యజమాని నుంచి డబ్బు తీసుకుంటూ ఏసీబీ అధికారులకు రెడ్ హ్యాండెడ్‌గా దొరికాడు. ఇదిలావుంటే అవినీతిపై జగన్ ప్రభుత్వం యుద్ధం ప్రకటించింది. అవినీతి నిరోధానికి ప్రజల చేతికే వజ్రాయుధాన్ని అందిచింది. ఈ మేరకు ఓ యాప్‌ను (14400) కూడా రూపొందించింది. లంచాలు, అవినీతి లేకుండా ప్రభుత్వ పాలన పారదర్శకంగా సాగాలని సీఎం జగన్ పదే పదే చెబుతున్నారు. ప్రభుత్వాలు అవినీతిప కఠిన వైఖరి అవలంభిస్తున్నా.. క్షేత్రస్థాయిలో మాత్రం కొందరు అధికారులు తమ తీరును మార్చుకోవటం లేదు. లంచాల పేరుతో ప్రజలను ఇబ్బందులకు గురి చేస్తూనే ఉన్నారు.

తాజాగా.. అనంతపురం జిల్లా బుక్కరాయ సముద్రం సీఐ రాము రూ.25వేల లంచం తీసుకుంటూ ఏసీబీకి పట్టుబడ్డారు. ఓ విద్యా సంస్థల యజమాని నుంచి డబ్బు తీసుకుంటూ ఏసీబీ అధికారులకు రెడ్ హ్యాండెడ్‌గా దొరికాడు. వివరాల్లోకి వెళితే.. ఓ చీటింగ్‌ కేసులో మల్లికార్జున్ రెడ్డి అనే కళాశాల యాజమాని నిందితుడిగా ఉన్నాడు. ఆ కేసులో ఆయనకు కోర్టు బెయిల్ మంజూరు చేస్తూ ఆదేశాలిచ్చింది. అయితే బెయిల్ ప్రక్రియ పూర్తి చేసేందుకు బుక్కరాయ సముద్రం సీఐ రాము మల్లికార్జున్ రెడ్డిని రూ.75 వేల లంచం డిమాండ్ చేశాడు.

బెయిల్ ఇచ్చినందుకు గాను.. తొలుత రూ. 50 వేలు సీఐ రాముకు ఇచ్చాడు. మిగతా రూ. 25 వేల కోసం మళ్లిఖార్జున్ రెడ్డిని సీఐ రాము వేధింపులకు గురి చేస్తున్నాడు. దీంతో విసుగెత్తిపోయిన మల్లిఖార్జున్ రెడ్డి ఏసీబీ అధికారులకు ఫిర్యాదు చేశాడు. బాధితుడి ఫిర్యాదు మేరకు ఏసీబీ అధికారులు సీఐపై ఘట్టి నిఘా ఉంచారు. ఈ మేరకు శనివారం లంచం తీసుకుంటుండగా.. ఏసీబీ అధికారులు రెడ్ హ్యాండెడ్‌గా పట్టుకున్నారు. సీఐ రాముకు సహకరించిన మరో కానిస్టేబుల్ కరీంను కూడా ఏసీబీ అధికారులు అరెస్టు చేశారు. అనంతరం వారిద్దరని కర్నూలు ఏసీబీ కోర్టులో హాజరు పరిచారు.

ఇదిలావుంటే సీఐ రాము తీరు మెుదట్నుంటి వివాదస్పందంగానే ఉంది. గతంలో గుత్తి పట్టణంలో జరిగిన ఓ కార్యక్రమంలో స్థానిక ఎమ్మెల్యే వెంకట్రామిరెడ్డిని సీఐ రాము పొగడ్తలతో ముంచెత్తారు. ఎమ్మెల్యేను ఆయన సింహంతో పోలుస్తూ వ్యాఖ్యలు చేశారు. ఆ వ్యాఖ్యలు అప్పట్లో దుమారం రేపాయి. ఒక ప్రభుత్వ అధికారి ఇయి ఉండి ఎమ్మెల్యేను పబ్లిక్‌గా పొగడ్తలతో ముంచెత్తటమేంటని పలువురు ప్రశ్నించారు. తాజాగా ఆయన లంచం తీసుకుంటూ ఏసీబీ చిక్కారు.