మీ సేవలు స్ఫూర్తిదాయకం
Andhra Pradesh Telugu | Suryaa Desk | Published : Wed, Dec 14, 2022, 04:43 PM
కడప నగరంలోని ప్రకాష్ నగర్ కు చెందిన కార్తీక్ అనే బాలుడి ప్రాణాలు కాపాడిన పోలీస్ సిబ్బందిని బుధవారం జిల్లా పోలీస్ కార్యాలయంలో ఎస్. పి అన్బురాజన్ ప్రత్యేకంగా అభినందించి నగదు రివార్డులు అందచేశారు. సమాచారం అందుకున్న వెంటనే వేగంగా స్పందించి ఉన్నతాధికారులను అప్రమత్తం చేయడంతో పాటు బ్లూ కోల్ట్స్, రక్షక్ లను రంగంలోకి దించి పలు ప్రాంతాల్లో ఏక కాలంలో గాలింపు చర్యలు చేపట్టి బాలుణ్ణి గుర్తించి ప్రాణాలు కాపాడి ప్రజల్లో పోలీస్ శాఖ పై ఉన్న నమ్మకాన్ని, గౌరవాన్ని పెంచారన్నారు. మున్ముందు ఇదే స్పూర్తితో విధులు నిర్వర్తించాలని ఆకాంక్షించారు.
ఈ సందర్బంగా బాలుడి తల్లి స్వర్ణలత జిల్లా ఎస్. పి అన్బురాజన్ కి కృతజ్ఞతలు తెలిపారు. పోలీస్ శాఖకు తాము జీవితాంతం రుణపడి ఉంటామన్నారు. జిల్లా ఎస్. పి కార్తీక్ తో మాట్లాడారు. బాగా చదివి అత్యున్నత స్థాయికి చేరుకోవాలని ఆకాంక్షించారు. ధైర్యంగా ఉంటూ బంగారు భవిష్యత్తుకు బాటలు వేసుకోవాలని సూచించారు. కార్యక్రమం లో కమాండ్ కంట్రోల్ ఇన్స్పెక్టర్ ఎం. వెంకటేశ్వర్లు, చిన్నచౌక్ ఎస్. ఐ ఎస్. కె రోషన్ పాల్గొన్నారు.
|
|