గ్రీష్మ , ఫ్లెక్సీలను చించిన దుండగులు
Andhra Pradesh Telugu | Suryaa Desk | Published : Fri, Dec 23, 2022, 02:21 PM
తెలుగుదేశం పార్టీ జాతీయ అధ్యక్షుడు, మాజీ ముఖ్యమంత్రి నారా చంద్రబాబు రాజాం పర్యటనను పురస్కరించుకుని చంద్రబాబుకు స్వాగతం పలుకుతూ ఆ పార్టీ రాష్ట్ర అధికార ప్రతినిధి కావలి గ్రీష్మ ఏర్పాటు చేసిన ఫ్లెక్సీలను గుర్తు తెలియని వ్యక్తులు చించివేశారు. మరికొన్ని చోట్ల ఫ్లెక్సీలు పట్టుకుపోయారు. వీఆర్ అగ్రహారం కూడలి వద్ద చంద్రబాబును ఆహ్వానిస్తూ ఈనెల 20న రాత్రి గ్రీష్మ రెండు భారీ హోర్డింగులు ఏర్పాటు చేశారు. 21న రాత్రి వరకూ బాగానే ఉన్న రెండు హోర్డింగులు గురువారం ఉదయానికి చించేసి ఉన్నాయి. ఇదే మార్గంలో ఏర్పాటుచేసిన మరికొన్ని హోర్డింగులను ఏకంగా మాయం చేశారు. ఈ విషయాన్ని గ్రీష్మ వద్ద ‘ఆంధ్రజ్యోతి’ ప్రస్తావించగా హోర్డింగులదేముంది.. చంద్రబాబు పర్యటన విజయవంతం కావడమే తన ముందున్న లక్ష్యమని పేర్కొన్నారు. ఫ్లెక్సీలు చింపేందుకు సిద్ధపడ్డారంటే తనంటే భయపడుతున్నట్లేనని భావిస్తున్నట్లు గ్రీష్మ చెప్పారు.
|
|