ట్రెండింగ్
అనకాపల్లిలో భారీగా గంజాయి, పోలీసులు ధ్వంసం
Andhra Pradesh Telugu | Suryaa Desk | Published : Sat, Dec 24, 2022, 04:40 PM
విశాఖలో గంజాయిపై పోలీసులు ఉక్కుపాదం మోపారు. అనకాపల్లిలో భారీగా గంజాయిని పోలీసులు ధ్వంసం చేశారు. ఆపరేషన్ పరివర్తనలో భాగంగా గంజాయి అక్రమ రవాణాలో పట్టుకున్న గంజాయిని విశాఖ రేంజ్ డీఐజీ హరికృష్ణ ధ్వంసం చేశారు. 929 కేసుల్లో పట్టుకున్న 1.93 లక్షల కేజీల గంజాయి, 133 లీటర్ల ఆశిష్ ఆయిల్‌కు నిప్పు అంటించారు. మార్కె‌ట్ విలువ ప్రకారం రూ.240 కోట్లు ఉంటుందని అంచనా. అనకాపల్లి జిల్లా శివారు ప్రాంతాలలో కోడూరు వద్ద రెండవ దఫా గంజాయి ధ్వంసం చేశారు. అనకాపల్లి, అల్లూరి, పార్వతీపురం మన్యం, విజయనగరం, శ్రీకాకుళం జిల్లాల్లో అక్రమంగా తరలిస్తున్న గంజాయిని పోలీసులు, సెబ్ అధికారులు పట్టుకున్న విషయం తెలిసిందే. గంజాయి అక్రమ రవాణా చేస్తుండగా పట్టుబడిన వాటిలో అల్లూరి, అనకాపల్లి జిల్లాలో అత్యధికంగా కేసులు నమోదు అయ్యాయి.
|
|