డిఇఒ చేత యుటిఎఫ్ డైరీ ఆవిష్కరణ
Andhra Pradesh Telugu | Suryaa Desk | Published : Fri, Dec 30, 2022, 06:03 PM
శుక్రవారం అన్నమయ్య జిల్లా కేంద్రమైన రాయచోటిలోని జిల్లా విద్యాశాఖాధికారి కార్యాలయంలోని డీఈవో ఛాంబర్లో యుటిఎఫ్ డైరీ, క్యాలెండర్ ను ఆయన ఆవిష్కరించారు. ఈ సందర్భంగా జిల్లా విద్యాశాఖ అధికారి రాఘవ రెడ్డి మాట్లాడుతూ యుటిఎఫ్ ఉపాధ్యాయ సమస్యల పరిష్కారం కొరకు ఓ వైపు పోరాడుతూనే మరో వైపు విద్యా రంగ పరిరక్షణ కొరకు పదవ తరగతి విద్యార్థుల కోసం మోడల్ పేపర్లు రూపొందించి అతి తక్కువ ఖర్చుకే అందజేయడం అభినందనీయమన్నారు.
యుటిఎఫ్ రూపొందించిన డైరీ ఉపాధ్యాయులతో పాటు, ఉద్యోగ వర్గాలందరికీ ఎంతో ఉపయుక్తంగా ఉందన్నారు. సెలవు నిబంధనలు, సర్వీస్ విషయాలతో పాటు ముఖ్యమైన ప్రభుత్వ ఉత్తర్వులు అన్నింటిని డైరీ తో పాటు అనుబంధ పుస్తకంగా ఇవ్వటం గొప్ప విషయమన్నారు. ప్రభుత్వ విద్యా పరిరక్షణ కోసం యుటిఎఫ్ ఎప్పుడూ తన వంతు పాత్రను పోషించాలని ఈ సందర్భంగా ఆయన కోరారు. ఉపాధ్యాయుల సమస్యలతో పాటు విద్యారంగ అభివృద్ధికి సంబంధించిన విషయాలు తమ దృష్టికి తీసుకొని వస్తే తప్పకుండా వాటి పరిష్కారానికి కృషి చేస్తానని తెలిపారు.
|
|