ట్రెండింగ్
రాళ్లతో దాడి.. నలుగురికి గాయాలు
Andhra Pradesh Telugu | Suryaa Desk | Published : Wed, Jan 04, 2023, 10:20 AM
తాడిపత్రి మండలంలోని గంగాదేవిపల్లి గ్రామంలో మంగళవారం రాత్రి జరిగిన రాళ్లదాడిలో ఇరువర్గాలకు చెందిన నలుగురు వ్యక్తులకు గాయాలైన ఘటన చోటుచేసుకుంది. గ్రామస్థులు, పోలీసుల వివరాల మేరకు. లక్ష్మీనారాయణ, భాస్కర్ల మధ్య కొద్దికాలంగా అక్రమ ఇసుక తరలింపు విషయమై మనస్పర్థలు ఉన్నాయి. ఈ నేపథ్యంలో మంగళవారం భాస్కర్ మద్యం మత్తులో తిట్టడంతో ఇరు వురి మధ్య వాగ్వాదం చోటుచేసుకుంది. అనంతరం ఇరువర్గాలు రాళ్ల దాడి చేసుకున్నారు. దీనిలో నలుగురికి తీవ్ర గాయాలయ్యాయి. వీరిని తాడిపత్రి ప్రభుత్వ ఆసుపత్రికి తరలించగా. ఇద్దరిని మెరుగైన చికిత్స కోసం అనంతపురానికి తీసుకెళ్లారు. ఇరు వర్గాల ఫిర్యాదులతో కేసులు నమోదు చేయనున్నట్లు చెప్పారు.
|
|