ఘనంగా బజరంగ్ జగన్నామ సంక్షేమ సంవత్సర కార్యక్రమాలు
Andhra Pradesh Telugu | Suryaa Desk | Published : Thu, Jan 05, 2023, 04:39 PM
బజరంగ్ జగన్నామ సంక్షేమ సంవత్సర కార్యక్రమాలు పెదకాకాని మండలం వెనిగండ్ల గ్రామంలో ఘనంగా జరిగాయి. కార్యక్రమాలను పొన్నూరు శాసనసభ్యులు కిలారి రోశయ్య ప్రారంభించి, ప్రసంగించారు. బజరంగ్ నేత్రజ్యోతి కార్యక్రమంలో 1078 మంది కంటి పరీక్షలు చేయించుకోగా వారికి 20 పనిదినాల్లో ఉచిత కళ్లజోళ్లు పంపిణి చేయనున్నట్లు ఫౌండేషన్ వ్యవస్థాపకుడు అంబటి మురళీ కృష్ణ తెలిపారు. విద్యా విజేత కార్యక్రమంలో భాగంగా 1546 మంది విద్యార్థులకు ఉచితంగా ఎగ్జాం ప్యాడ్లు పంపిణీ చేశారు . గ్రామంలోని వాలంటీర్లకు అవగాహనా పోటీ పరీక్ష నిర్వహించగా 23 మంది పాల్గొన్నారు. అంబటి మురళీ కృష్ణ చేతుల మీదగా వాలంటీర్లందరిని సన్మానించి వివిధ బహుమతులను,5 లక్షల ప్రమాద బీమా పత్రాలను కూడా అందించారు. 410 కిశోర బాలికలకు ఉచితంగా శానిటరీ నాప్కిన్స్ అందించారు. ఈ కార్యక్రమంలో భారీగా గ్రామ ప్రజలు, స్థానిక నాయకులు పాల్గొన్నారు
|
|