కుమారుడి మృతదేహాంతో ఎస్పీ కార్యాలయానికి వచ్చిన కానిస్టేబుల్
national | Suryaa Desk | Published : Sun, Jan 15, 2023, 05:33 PM
రెండున్నరేళ్ల వయసున్న తన కుమారుడి మృతదేహాన్ని తీసుకొని ఓ కానిస్టేబుల్.. సీనియర్ ఎస్పీ కార్యాలయానికి వచ్చిన ఘటనకు సంబంధించిన ఫోటో వైరల్గా మారింది. సెలవు ఇవ్వకపోవడంతోనే ఈ ఘోరం జరిగిదంటూ ఆ కానిస్టేబుల్.. ఉన్నతాధికారుల ముందు కన్నీళ్లు పెట్టుకున్నారు. ఉత్తర ప్రదేశ్లోని మథురలో ఈ ఘటన చోటు చేసుకుంది.
మథురకు చెందిన సోనూ చౌధరి.. బైద్పూర్లో కానిస్టేబుల్గా పని చేస్తున్నారు. సర్జరీ జరిగిన తన భార్యను, రెండున్నరేళ్ల బాబును చూసుకునేందుకు సెలవు కావాలని జనవరి 7న తన పై అధికారులకు అభ్యర్థన పెట్టుకున్నారు. అయినా, సెలవు మంజూరు కాలేదు. బుధవారం (జనవరి 11) మధ్యాహ్నం ఆయన విధులకు హాజరయ్యారు. అనారోగ్యంతో భార్య ఇంట్లోనే ఉంది. కుమారుడు హర్షిత్ ఇంటి నుంచి బయటకు వెళ్లి, ఆడుకొంటూ నీటి గుంతలో పడి మృతి చెందాడు.
ఈ ఘటన కానిస్టేబుల్ సోనూ చౌధరిని తీవ్ర దిగ్భ్రాంతికి, ఆవేదనకు గురిచేసింది. తనకు సెలవు ఇవ్వకపోవడం వల్ల ఎంత ఘోరం జరిగిందో చెప్పడానికి సాక్ష్యంగా కుమారుడి మృతదేహంతో ఆయన ఎస్ఎస్పీ కార్యాలయానికి వచ్చారు. ఉన్నతాధికారులు ఈ ఘటనపై అంతర్గత దర్యాప్తునకు ఆదేశించినట్లు తెలుస్తోంది.
|
|