ట్రెండింగ్
మందు బాబులను కూడా తాకట్టు పెట్టిన ఘనుడు జగన్
Andhra Pradesh Telugu | Suryaa Desk | Published : Sun, Jan 29, 2023, 09:03 PM
జగన్ పాలనలో మహిళలకు భద్రత - భరోసా లేదని, మహిళల తాళి బొట్లు తాకట్టు పెట్టిన దుర్మార్గుడు ముఖ్యమంత్రి అని నారా లోకేష్ దుయ్యబట్టారు. మద్యపాన నిషేదం అమలు చేసిన తర్వాతే ఓట్లు అడగడానికి వస్తానని చెప్పిన జగన్ రెడ్డి ఇప్పుడు ఏ మొహం పెట్టుకొని ఓట్లు అడుగుతారని ప్రశ్నించారు. ఆఖరికి మందు బాబులను కూడా తాకట్టు పెట్టిన ఘనుడు జగన్ రెడ్డని విమర్శించారు. విషం కంటే ప్రమాదకరమైన మద్యాన్ని తయారు చేస్తున్నారని అన్నారు. ఇప్పుడు ఏకంగా అరకొరగా ఇచ్చే అమ్మ ఒడి కూడా ఏడాది ఎగొట్టారన్నారు. అందరూ సంక్షేమ కార్యక్రమాలు పెంచుతారని అనుకుంటుంటే సీఎం జగన్ పన్నులు పెంచారని విమర్శించారు. కరెంట్ ఛార్జీలు, ఇంటి పన్ను, చెత్త పన్ను, నిత్యావసర సరుకుల ధరలు, గ్యాస్ ధర, పెట్రోల్, డీజిల్ ధరలు ఇలా అన్ని పెంచుకుంటూ పోతున్నారన్నారు.
|
|