ఏకగ్రీవంగా జిల్లా ఒలింపిక్ అసోసియేషన్ ఎన్నికలు

రాజకీయ, కుల, మత వర్గ భేదాలకు అతీతంగా ఉన్నవి ఒక్క క్రీడలు మాత్రమేనని ఏకగ్రీవంగా ఎన్నికైన ఒలింపిక్ అసోసియేషన్ అధ్యక్షులు ధర్మాన కృష్ణ దాస్ తెలిపారు. శ్రీకాకుళం నగరంలోని ప్రభుత్వ బాలికల పాఠశాల దరిలో ఉన్న గురిటి పోలమ్మ ఆలయ ప్రాంగణం వద్దనున్న కమ్యూనిటీ హాల్లో ఆదివారం ఒలింపిక్ అసోసియేషన్ కార్యవర్గ ఎన్నికలు ఏకగ్రీవం అయ్యాయి. అసోసియేషన్ లో ఉన్న ఒక్కొక్క పదవికి ఒక్కొక్కరే చప్పున్న నామినేషన్ను దాఖలు చేయడం వలన ఎన్నికలు ఏకగ్రీవమయ్యాయి. ఎన్నికల అధికారిగా బివి రమణ, ఉప ఎన్నిక అధికారిగా కే గోపి, ఆంధ్రప్రదేశ్ ఒలింపిక్ అసోసియేషన్ అబ్జర్వర్ గా మోహన్ వెంకట్రావు పర్యవేక్షణలో జరిగాయి.

ఈ ఎన్నికలు ఒలింపిక్ అసోసియేషన్ జిల్లా అధ్యక్షులు ధర్మాన కృష్ణ దాస్ ని ఏకగ్రీవంగా ఎన్నుకోగా కార్యదర్శి గా మెంటాడ సాంబమూర్తి , కోశాధికారిగా యాళ్ల పోలినాయుడు, ఉపాధ్యక్షులుగా సిమ్మ రాజశేఖర్, మెంటాడ పద్మనాభం, చిట్టి నాగభూషణం, బిఏ లక్ష్మణ దేవ్, కే ఎన్ ఎస్ వి ప్రసాద్, కే మధుసూదన్ రావు, సంయుక్త కార్యదర్శులుగా పీ. తవిటయ్య, ఎంవి రమణ, కొమర భాస్కరరావు, ఎస్ శ్రీనివాసరావు, ఎం ఎస్ సి శేఖర్, కార్యవర్గ సభ్యులుగా రెడ్డి శివకుమార్, కొండపల్లి రవికుమార్, సిగిలిపల్లి లక్ష్మీదేవి, బాడన నారాయణరావు, ఎస్వి జగన్నాథం, పైడి గోవిందరావులు ఏకగ్రీవంగా ఎన్నికయ్యారు.

ఎన్నికల అనంతరం అసోసియేషన్ ప్రెసిడెంట్ ధర్మాన కృష్ణదాస్ మాట్లాడుతూ జిల్లాలో మునుపెన్నడూ లేని విధంగా ఎన్నో క్రీడలతో పాటు క్రీడాకారులు కూడా మంచి ప్రతిభను కనబరుస్తూ రాష్ట్ర, జాతీయ స్థాయిలో రాణిస్తున్నారని కొనియాడారు. జిల్లాలో క్రీడాకారులకు కొదవలేదని విద్య నేర్పిన గురువులు, తల్లిదండ్రులు ప్రోత్సాహాన్ని అందిస్తే మరింత ఉన్నత శిఖరాలను అధిరోహించగలరని ఆయన ఈ సందర్భంగా ఆకాంక్షించారు.

జిల్లాలో ఉన్నత ప్రతిభను కనబరుస్తున్న క్రీడాకారులు, రాష్ట్ర, జాతీయ స్థాయిలో రాణిస్తూ జిల్లా కీర్తి ప్రతిష్టలను నలువైపులా వ్యాపింపజేసేలా విజయకేతం ఎగురవేయాలని అన్నారు. అనంతరం ఎన్నికల ప్రక్రియ సజీవుగా జరిగేందుకు సహకరించిన అసోసియేషన్ సభ్యులు, ఎన్నికల పర్యవేక్షకులుకు కృతజ్ఞతులను తెలియజేశారు. ఎన్నికైన సభ్యులకు క్రీడా సంఘాలు, క్రీడాకారులు, హర్షధ్వనాలతో అభినందనలు తెలిపారు.