ఘనంగా అమ్మవారి విగ్రహం ప్రతిష్ట
Bhakthi | Suryaa Desk | Published : Thu, Mar 02, 2023, 12:02 PM
రాంబిల్లి మండలం లోని కొత్తపేట గ్రామంలో నూతనంగా నిర్మించిన శ్రీ దుర్గంబిక అమ్మవారి ఆలయం ఈనెల 3న ఘనంగా ప్రారంభం కానుంది. ఈ సందర్భంగా వేద పండితుల మంత్రోచ్ఛరణల నడుమ అమ్మవారి విగ్రహాన్ని అత్యంత భక్తిశ్రద్ధలతో ప్రతిష్టించేందుకు ఆలయ కమిటీ పెద్దలు ఏర్పాట్లు పూర్తి చేశారు. ఉదయం నుంచి వేద పండితుల బృందం ఆధ్వర్యంలో అమ్మవారి ఆలయ ప్రాంగణంలో ఏర్పాటు చేసిన ప్రత్యేక కుటీరంలో హోమాలు ప్రత్యేక పూజా కార్యక్రమాలు ఏర్పాటు చేశారు. పూజానంతరం శుభ ముహూర్తాన అమ్మవారి విగ్రహాన్ని ప్రతిష్టించి ప్రత్యేక పూజలు నిర్వహించనున్నారు. స్థానికులే కాకుండా సమీప గ్రామాలకు చెందిన వేలాది మంది భక్తులు అమ్మవారిని దర్శించి తమ ముక్కులను తీర్చుకొనున్నారు. అమ్మవారిని దర్శించేందుకు వచ్చిన భక్తులకు ఎటువంటి ఇబ్బందులు తలెత్తకుండా ఆలయ కమిటీ పెద్దలు ప్రత్యేక ఏర్పాట్లు చేస్తున్నారు. ఈ సందర్భంగా అమ్మవారి ఆలయ ప్రాంగణంలో పలు ప్రత్యేక ఆధ్యాత్మిక సాంస్కృతిక కార్యక్రమాలు ఏర్పాటు చేసినట్లు ఆలయ కమిటీ పెద్దలు తెలిపారు.
|
|