ట్రెండింగ్
ఆనందరావు మృతి బాధాకరం... తనికెళ్ళ భరణి
Andhra Pradesh Telugu | Suryaa Desk | Published : Fri, Mar 17, 2023, 05:35 PM
రేగిడి ఆమదాలవలస మండలం వావిలవలస గ్రామంలో ప్రముఖ సంఘసంస్కర్త మొయిద ఆనందరావు మృతి బాధా కరమని ప్రముఖ సినీ నటుడు, దర్శకుడు తనికెళ్ళ భరణి అన్నారు. గుడులు, బడులు నిర్మించి అందరికీ ఆదర్శంగా నిలిచిన మిథునం సినిమా నిర్మాత ఆనందరావు ఆకస్మికంగా మరణించడంతో వారి భౌతికాయానికి సినీ నటుడు తనికెళ్ళ భరణి నివాళులు అర్పించారు. ఈ సందర్భంగా ఆనందరావు సమాజానికి అందించిన గొప్ప సేవలను తనికెళ్ల భరణి కొనియాడారు. ఇంత సామాజిక స్పృహ ఉన్న ఆనందరావు అకాలముగా మరణించడం చాలా బాధాకరమని తనికెళ్ళ అన్నారు. వారి కుటుంబ సభ్యులకు తన ప్రగాఢ సానుభూతిని తెలియజేశారు.
|
|