దాడులకు పాల్పడితే ఉపేక్షించేది లేదు
Andhra Pradesh Telugu | Suryaa Desk | Published : Mon, Apr 03, 2023, 01:49 PM
పుట్టపర్తి లో అల్లర్లకు సంబంధించి అధికార, ప్రతిపక్ష పార్టీలపై పోలీసులు కేసులు నమోదు చేశారు. పుట్టపర్తి సత్తెమ్మ దేవాలయం దగ్గర జరిగిన అల్లర్లలో 30 యాక్ట్ నిబంధనలు అతిక్రమించారని పోలీసులు అభియోగాలు మోపారు. టీడీపీ నేత, మాజీ మంత్రి పల్లె రఘునాథ్ రెడ్డితో పాటు అతని అనుచరులు, అలాగే వైసీపీ ఎమ్మెల్యే శ్రీధర్ రెడ్డి, అతని అనుచరులుపై పోలీసులు కేసు నమోదు చేశారు. నిబంధనలు ఉల్లంఘిస్తే ఎవరినీ ఉపేక్షించేది లేదని పోలీసులు స్పష్టం చేశారు. పుట్టపర్తిలో నియోజకవర్గంలో పోలీస్ 30 యాక్ట్ అమలులో ఉన్నప్పటికీ, నిబంధనలు బేఖాతరు చేసి సత్తెమ్మ దేవాలయానికి ఇరుపార్టీల నేతలు చేరుకుని ఘర్షణలకు పాల్పడ్డారని, ఇరువర్గాలు రాళ్లు, చెప్పులతో దాడులకు పాల్పడ్డారని పోలీసులు వారిపై కేసు నమోదు చేశారు. పుట్టపర్తిలో శాంతిభద్రతలు భంగంవాటిల్లితే ఎవరినీ ఉపేక్షించేది లేదని పోలీసులు స్పష్టం చేశారు.
|
|