ఆవు, గేదె, మానవ మూత్రంలో ఇన్‌ఫెక్షన్లకు కారణమయ్యే బ్యాక్టీరియా ... ఐవీఆర్ఐ పరిశోధనల వెల్లడి

తాజా గో మూత్రంలో హానికార బ్యాక్టీరియా ఉందని, నేరుగా మానవ వినియోగానికి పనికిరాదని బరేలీలోని ఇండియన్ వెటర్నరీ రిసెర్చ్ ఇన్‌స్టిట్యూట్  వెల్లడించింది. అయితే, గేదె మూత్రం మాత్రం కొన్ని బ్యాక్టీరియాలపై మరింత ప్రభావవంతంగా పనిచేస్తున్నట్టు పేర్కొంది. ఐవీఆర్‌ఐకి చెందిన భోజ్ రాజ్ సింగ్ నేతృత్వంలోని ముగ్గురు పీహెచ్‌డీ విద్యార్థుల బృందం చేపట్టిన పరిశోధనలో వెల్లడయినట్టు తెలిపింది. ఆవులు, గేదెల నుంచి మూత్రాన్ని సేకరించిన వీరు.. ల్యాబ్‌లో పరీక్షించారు. పొట్టలో సాధారణ ఇన్‌ఫెక్షన్లకు కారణమయ్యే ఎస్చెరిచియా కోలి వంటి కనీసం 14 రకాల హానికారక బ్యాక్టీరియా ఉన్నట్టు గుర్తించారు. ఈ పరిశోధన ఫలితాలను ఆన్‌లైన్ రిసెర్చ్ వెబ్‌సైట్ రిసెర్చ్‌గేట్‌లో ప్రచురించారు.

ఐవీఆర్ఐ ఎపిడిమియాలజీ విభాగం చీఫ్ డాక్టర్ భోజ్ రాజ్ సింగ్ మాట్లాడుతూ.. ఆవు, గేదెలు, మానవుల 73 మూత్ర నమూనాల గణాంక విశ్లేషణలో గేదె మూత్రంలో యాంటీ బాక్టీరియల్ చర్య ఆవుల కంటే చాలా ఎక్కువగా ఉన్నట్టు సూచించింది. గేదె మూత్రం ఎస్ ఎపిడెర్మిడిస్, ఇ రాపోంటిసి వంటి బ్యాక్టీరియాపై మరింత సమర్ధవంతంగా పనిచేస్తోంది. అయితే, మానవ వినియోగానికి గో మూత్రాన్ని ఎట్టి పరిస్థితుల్లోనూ సిఫార్సు చేయలేమని తెలిపారు. గతేడాది జూన్ నుంచి నవంబరు మధ్య స్థానిక డెయిరీ ఫామ్‌లోని సహీవాల్, థరాపార్కర్, విందావని (సంకరజాతి) ఆవులు, గేదెలు, మానవుల నుంచి మూత్ర నమూనాన్ని సేకరించినట్టు తెలిపారు.

స్పష్టంగా ఆరోగ్యకరమైన వ్యక్తుల నుంచి సేకరించిన మూత్ర నమూనాలలో అధిక భాగం వ్యాధికారక బాక్టీరియా కలిగి ఉన్నట్టు నిర్ధారణకు వచ్చామని వివరించారు. లింగ, జాతులతో సంబంధం లేకుండా కొంతమంది వ్యక్తుల మూత్రం ఎంపిక చేయబడిన బ్యాక్టీరియాకు నిరోధకం కావచ్చు కానీ ఆవు మూత్రం యాంటీ బాక్టీరియల్ అనే సాధారణ నమ్మకం సాధారణీకరించలేం... మానవ వినియోగానికి మూత్రాన్ని ఎట్టి పరిస్థితుల్లోనూ సిఫార్సు చేయకూడదు. కొంతమంది వ్యక్తులు మూత్రంలో అంటు వ్యాధికారక బాక్టీరియా ఉండదనే వాదనను తెరపైకి తెచ్చారు.. మేము దానిపై మరింత పరిశోధన ట్రేడ్‌మార్క్ లేకుండా గో మూత్రాన్ని భారతీయ మార్కెట్లో విస్తృతంగా విక్రయిస్తున్నారు. ఇదే సమయంలో ఐవీఆర్ఐ మాజీ డైరెక్టర్ ఆర్‌ఎస్ చౌహాన్ భిన్నంగా స్పందించారు. ‘నేను 25 సంవత్సరాలుగా ఆవు మూత్రంపై పరిశోధన చేస్తున్నాను.. శుద్ధి చేసిన ఆవు మూత్రం మానవుల్లో రోగనిరోధక శక్తిని మెరుగుపరుస్తుంది.. క్యాన్సర్, కోవిడ్‌లకు వ్యతిరేకంగా పనిచేస్తుందని మేము కనుగొన్నాం. ఈ ప్రత్యేక పరిశోధన శుద్ధిచేసిన గో మూత్రం నమూనాలపై చేయలేదు వీటిని ప్రజలు నిజంగా సిఫార్సు చేస్తున్నాం.’ అని తెలిపారు.