ట్రెండింగ్
ఆగని చెప్పుల గొడవ, వైసీపీ మరియు జనసేన మాటల యుద్ధం
Andhra Pradesh Telugu | Suryaa Desk | Published : Fri, Jun 16, 2023, 01:57 PM
వైసీపీ నాయకులూ స్వచ్ఛమైన రాజకీయాలు చేయాలని జనసేన నాయకులు కొట్టె వెంకట్రావు, వంపుగడల చౌదరి హితవు పలికారు. పవన్‌ కల్యాణ్‌ అన్నవరంలో వారాహి యాత్ర ప్రారంభించడంతో వైసీపీ నాయకుల్లో చలి, జ్వరం మొదలైందని వారన్నారు. గురువారం మచిలీపట్నం జనసేన అసెంబ్లీ నియోజకవర్గ కార్యాలయంలో పేర్ని నాని వ్యాఖ్యలకు వ్యతిరేకంగా జనసేన నాయకులు చెప్పులు చూపించి నిరసన తెలిపారు. పవన్‌ కల్యాణ్‌ను విమర్శించడం పేర్ని నాని చేతగానితనానికి నిదర్శనమని, పవన్‌ను విమర్శించే స్థాయి పేర్నికి లేదని కొట్టె వెంకట్రావు అన్నారు. మచిలీపట్నం సమస్యలను తాడేపల్లి ప్యాలెస్‌లోని జగన్‌రెడ్డికి చెప్పే దమ్ము పేర్ని నానికి లేదన్నారు. ఈ కార్యక్రమంలో కొండా, వాసు, చంటి, పినిశెట్టి వేణు, పవన్‌, వీర వెంకట్రావు, మానేపల్లి ఉషారాణి పాల్గొన్నారు.
|
|