దమ్ముంటే నాపై పోటీ చేయాలి,,,నారా లోకేష్‌కు అనిల్ కుమార్ సవాల్

టీడీపీ జాతీయ ప్రధాన కార్యదర్శి నారా లోకేష్‌కు మాజీ మంత్రి అనిల్ కుమార్ యాదవ్ సవాల్ విసిరారు. లోకేష్‌కు దమ్ముంటే తనపై పోటీ చేసి గెలవాలని ఛాలెంజ్ చఏశారు. ఒకవేళ లోకేష్‌ గెలిస్తే తాను రాజకీయాల నుంచి తప్పుకుంటానని.. అదే తాను గెలిస్తే లోకేష్‌ రాజకీయాల నుంచి లోకేష్ తప్పుకుంటారా అని సవాల్ చేశారు. నెల్లూరు సిటీ నుంచి తన మీద పోటీ చేసి గెలిచినా.. 2024లో తన గెలుపును ఆపినా.. రాజకీయాల నుంచి శాశ్వతంగా తప్పకుంటాను అన్నారు. దమ్ముంటే లోకేష్ తన సవాల్‌ను స్వీకరించాలన్నారు.

తండ్రి, తాత సీఎం కాకపోయి ఉంటే లోకేష్‌ వార్డు మెంబర్‌గా కూడా గెలవలేరని.. దొడ్డిదారిన మంత్రి అయ్యి.. పోటీ చేసిన ఫస్ట్‌ ఎన్నికల్లో ఓడిపోయిన చరిత్ర లోకేష్‌ది అంటూ సెటైర్లు పేల్చారు. లోకేష్‌ ప్రసంగం అర్ధంకాక ప్రజలు ఇబ్బందులు పడుతున్నారన్నారు. లోకేష్ తనను సిల్లీ బచ్చా అన్నారని.. గత ఎన్నికల్లో తనపై పోటీ చేసిన వ్యక్తి వంద కోట్లు ఖర్చు పెట్టారు.. 2024లో కూడా 200 కోట్లు పెట్టేందుకు సిద్ధమవుతున్నారన్నారు. పిల్ల బచ్చాన్ని చూసి ఎందుకు అంత వణికిపోతున్నారన్నారు.

సీఎం జగన్ నన్ను పార్టీ నుంచి వెళ్లగొట్టినా వైసీపీ కోసమే పనిచేస్తా: అనిల్ యాదవ్

లోకేష్ తనపై ఎన్నో విమర్శలు చేశారని.. తన తాత, తండ్రి ముఖ్యమంత్రి కాదు.. కానీ రెండుసార్లు ఎమ్మెల్యేగా గెలిచి సీఎం వైఎస్‌ జగన్ ఆశీస్సులతో మంత్రి పదవి కూడా దక్కిందన్నారు. లోకేష్ మాత్రం మొదటిసారి ఎన్నికల్లో పోటీ చేసి ఓడిపోయారని ఎద్దేవా చేశారు. తాను అన్నింటికీ సిద్ధంగా ఉన్నానని.. తాను నాయుడుపేటలో వంద కోట్ల రూపాయల విలువైన లేఔట్ వేశానని లోకేష్ ఆరోపించారని.. ఒక శాతం భాగం కూడా తనకు లేదని క్లారిటీ ఇచ్చారు.

ఎంతో చరిత్ర ఉందని చెప్పుకునే ఆనం రామనారాయణరెడ్డి తన పరువును లోకేష్‌ కాళ్ల ముందు పెట్టారని విమర్శించారు. ఆయన చుట్టూ తిరగడాన్ని చూస్తే ఆనం పరిస్థితి అర్థమవుతుందని ఘాటు వ్యాఖ్యలు చేశారు. తాను చేసిన సవాల్‌ను ఆనం స్వీకరించలేకపోయారని.. టీడీపీ హయాంలో చెయ్యలేని సాగునీటి ప్రాజెక్టులను తముపూర్తి చేశామన్నారు. లోకేష్ తెలుగులో మాట్లాడినా ట్రాన్స్‌లేటర్స్‌ను పెట్టుకోవాల్సిన పరిస్థితి ఉందని.. ఆయన ఏం మాట్లాడుతాడో అసలు అర్ధంకాదన్నారు.

లోకేష్ నాయుడుపేటలో జరిగిన సభలో మాజీ మంత్రి అనిల్ కుమార్‌పై ఘాటు విమర్శలు చేశారు. సిల్లీ బచ్చా, హాఫ్ నాలెడ్జ్.. ఆయనకు పని తక్కువ, డైలాగులు ఎక్కువని అనిల్ కుమార్‌ను ఎద్దేవా చేశారు. చర్చ అంటూ సరదా పడుతున్నారట.. వచ్చే అంటూ లోకేష్ సవాల్ చేశారు. వంద కోట్ల లే అవుట్ గురించి చర్చిద్దాం రా అంటూ ఛాలెంజ్ చేశారు. ఈ వ్యాఖ్యలకు అనిల్ కూడా కౌంటర్ ఇచ్చారు.