పవన్‌ కల్యాణ్‌ను కలుద్దామంటే అపాయింట్‌మెంట్ ఇవ్వడం లేదు.. కొడాలి నాని

మాజీ మంత్రి, గుడివాడ వైసీపీ ఎమ్మెల్యే కొడాలి నాని షాకింగ్ కామెంట్స్ చేశారు. పవన్ వెంట ఉన్నవాళ్లంతా చంద్రబాబు మద్దతుదారులేనని, చంద్రబాబు సీఎం కావాలని కోరుకునే వ్యక్తులేనని తెలిపారు. నాదెండ్ల మనోహర్ ఒకప్పుడు చంద్రబాబు వల్ల లబ్ధి పొందారని, అలాంటి చాలామంది పవన్ పక్కన చేరానని చెప్పారు. వాళ్లను నమ్ముకుంటే ఎన్టీఆర్ గతే పవన్ కల్యాణ్‌కు పడుతుందని సూచించారు. ఈ విషయాలను పవన్ కల్యాణ్‌ను కలిసి చెబుదామంటే కుదరలేదని, తనకు అపాయింట్‌మెంట్ ఇవ్వడం లేదని తెలిపారు.

ఎన్డీఆర్‌నే చంద్రబాబు వెన్నుపోటు పొడిచారని, ఇప్పుడు ఆయన వెంట ఉంటే పవన్ పరిస్థితి కూడా అలాగే అవుతుందని కొడాలి నాని ఆరోపించారు. చంద్రబాబు ఎలాంటివారో పవన్ ఇప్పటికైనా తెలసుకోవాలని, ఆయన రక్తంలోనే వెన్నుపోటు ఉందని విమర్శించారు. చంద్రబాబు స్కిఫ్ర్ట్ పవన్ అమలు చేస్తే ఎదుర్కొంటామని, దొంగలు, 420లను పవన్ పక్కన పెట్టాలని సూచించారు. చంద్రబాబు మద్దతుదారులతో కలిసి తమపై పవన్ దాడి చేస్తే ఊరుకోమన్నారు. బాబుకు సపోర్ట్ చేసేవారిని ఎవరైనా బట్టలు ఊడదీసి రోడ్డుపై నిలబెడతామన్నారు.

ఎన్టీఆర్‌నే మెడపట్టి గెంటిన వ్యక్తి బాబు అని, ఆయనతో కలిస్తే పవన్‌కు అధోగతేనన్నారు. బాబు బ్యాచ్‌తో కలిస్తే పవన్‌ను కూడా ఉపేక్షించమని, పవన్ ఒంటరిగా వచ్చి రాజకీయాలు చేస్తే అభ్యంతరం లేదన్నారు. పవన్‌ను బాబు బ్యాచ్ వాడుకుంటోదని, ఆయనకు బాబు బ్యాచ్ వెన్నుపోటు పోడవడం ఖాయమన్నారు. నాదెండ్ల, లింగంనేని చంద్రబాబు శ్రేయాభిలాషులు అని అన్నారు. పవన్ వారాహి యాత్ర చేసుకోవచ్చని, వైసీపీ ప్రభుత్వం తప్పులు ఎత్తి చూపినా తమకు అభ్యంతరం లేదన్నారు. కానీ చంద్రబాబు బ్యాచ్‌తో కలిసి వస్తే మాత్రం ఊరుకోబోమన్నారు.

చంద్రబాబు ప్రాజెక్టులను సందర్శిస్తుండటంపై నాని ఫైర్ అయ్యారు. అధికారం ఇస్తే ప్రాజెక్టులను పూర్తి చేస్తానని బాబు చెబుతున్నారని, 14 ఏళ్లు అధికారంలో ఉన్నప్పుడు ఎందుకు చేయలేదని ప్రశ్నించారు. కేంద్రం చేపట్టాల్సిన పోలవరాన్ని పబ్లిసిటీ కోసం చంద్రబాబు చేపట్టారని ఆరోపించారు. పోలవరాన్ని చంద్రబాబు ఏటీఎంలా వాడుకున్నారిన స్వయంగా ప్రధాని మోదీ చెప్పారనన్నారు. 2024 ఎన్నికలు బాబుకు చివరి ఎన్నికలు అని, కుప్పంలో కూడా చంద్రబాబు గెలిసే పరిస్థితి లేదని తెలిపారు. ప్రాజెక్టుల సందర్శన పేరుతో చంద్రబాబు విచిత్ర విన్యాసాలు చేస్తున్నారని విమర్శించారు. యువగళం పాదయాత్రలో లోకేష్ కాలు జారడంపై నాని సెటైర్లు పేల్చారు. నడవలేక జారుడు బల్లలా జారి పడ్డారని విమర్శించారు.