మోగిన ఉప ఎన్నికల నగారా, నేటినుండి నామినేషన్లు
Andhra Pradesh Telugu | Suryaa Desk | Published : Tue, Aug 08, 2023, 03:14 PM
గ్రామ పంచాయతీల పరిధిలోని వార్డు మెంబర్ల ఎన్నికకు షెడ్యుల్‌ విడుదలైన సందర్భంగా నందికొట్కూరు నియోజకవర్గంలోని ఆరు మండలాల్లో 11 వార్డు మెంబర్‌ స్థానాలకు ఎన్నికలు జరగనున్నాయి. మిడ్తూరు మండలం- 5, జూపాడుబంగ్లా 2, పగిడ్యాల, నందికొట్కూరు, పాములపాడు, కొత్తపల్లి మండలాల్లో ఒక్కో వార్డు మెంబర్‌ స్థానాలకు ఎన్నికలు జరగనున్నాయి. మిడ్తూరులో 5 గ్రామ పంచాయతీల్లో అలగనూరు(10వ వార్డు), జలకనూరు(8వ వారు), మిడ్తూరు (13వ వారు), పైపాలెం(5వ వారు), వీపనగండ్ల(3వ వారు) వార్డు మెంబర్ల స్థానాలకు, నందికొట్కూరులో నాగటూరు గ్రామంలో (8వ వారు), పగిడ్యాలలో (9వ వారు), జూపాడుబంగ్లా మండల కేంద్రంలో(7వ వారు), తర్తూరు గ్రామంలో(2వ వారు), కొత్తపల్లి మండల కేంద్రంలో (10వ వారు), పాములపాడు మండల కేంద్రంలో (4వ వారు) వార్డు మెంబర్‌ స్థానాలకు ఎన్నికలు జరగనున్నాయి. ఈ ఎన్నికలకు నేటి నుంచి నామినేషన్లు స్వీకరించనున్నారు. ఆయా గ్రామపంచాయతీ కార్యాలయాల్లో ఎన్నికల అధికారులు నామినేషన్లను స్వీకరిస్తారు.
|
|