ట్రెండింగ్
టీటీడీ లో క్రొత్త నియామకాలు
Andhra Pradesh Telugu | Suryaa Desk | Published : Mon, Aug 28, 2023, 12:07 PM
టీటీడీ ధర్మకర్తల మండలి సభ్యులుగా ఆదివారం ముగ్గురు ప్రమాణ స్వీకారం చేశారు. నలుగురు ఎక్స్‌ ఆఫిషియో సభ్యులతో కలిపి మొత్తం 28 మందితో ఇటీవల రాష్ట్ర ప్రభుత్వం నూతన మండలిని ఏర్పాటు చేసిన విషయం తెలిసిందే. బోర్డు సభ్యులుగా సుదర్శన్‌ వేణు, నెరుసు నాగసత్యం, ఎక్స్‌ అఫిషియో సభ్యుడిగా తుడా చైర్మన్‌ చెవిరెడ్డి మోహిత్‌రెడ్డి ప్రమాణ స్వీకారం చేశారు. వీరితో శ్రీవారి ఆలయంలోని స్వామి సన్నిధిలో జేఈవో వీరబ్రహ్మం ప్రమాణ స్వీకారం చేయించారు. ఈ కార్యక్రమంలో చంద్రగిరి ఎమ్మెల్యే చెవిరెడ్డి భాస్కర్‌రెడ్డి, డిప్యూటీ ఈవో లోకనాథం, గోవిందరాజన్‌, హరీంద్రనాథ్‌ తదితరులు పాల్గొన్నారు.
|
|