రైతులకి ప్రభుత్వం అన్యాయం చేస్తుంది
Andhra Pradesh Telugu | Suryaa Desk | Published : Thu, Sep 07, 2023, 05:12 PM
అనంతపురం జిల్లాకు సాగు నీరు తాగు నీరు ఇచ్చే బాధ్యత తీసుకుంటున్నానని... అన్ని ప్రాజెక్టులు పూర్తి చేస్తామని టీడీపీ అధినేత చంద్రబాబు నాయుడు హామీ ఇచ్చారు. గురువారం ప్రజావేదికలో టీడీపీ అధినేత మాట్లాడుతూ.. కళ్యాణదుర్గం నియోజకవర్గానికి నీళ్లు ఇచ్చే ప్రణాళిక తయారు చేసుకున్నామన్నారు. రైతులపై రాష్ట్రమంతా అరాచకాలు జరుగుతున్నాయని విమర్శించారు. అంగల్లలో తన మీదే దాడి చేసి ఆపై తనపైనే కేసు పెట్టారని మండిపడ్డారు. యువగళం ప్రజాగళంగా మారిందని... ఊర్లకు ఊళ్లు తరలివస్తున్నారన్నారు. దుర్మార్గుడు నుంచి రాష్ట్రాన్ని కాపాడుకోవాల్సిన అవసరం ఉందన్నారు. పై రాష్ట్రాల్లో మన హక్కులు న్యాయమైన నీటికోసం పోరాడుతామని తెలిపారు. గోదావరి నదుల అనుసంధానం చేయడం శాశ్వత పరిష్కారమని చెప్పుకొచ్చారు. పోలవరం ప్రాజెక్టును రివర్స్ టెండర్ పేరుతో దుర్మార్గుడు రాష్ట్రానికి ద్రోహం చేశాడని ఆగ్రహం వ్యక్తం చేశారు. ప్రజలు చైతన్యవంతులు కావాలని... వాస్తవాలు ప్రజలకు తెలియకుండా దాడులు చేస్తున్నారని అన్నారు. గంగా- కావేరి అనుసంధానం చేయాలని చంద్రబాబు నాయుడు పేర్కొన్నారు.
|
|