ఆమ్మో కుక్కలు
Andhra Pradesh Telugu | Suryaa Desk | Published : Thu, Sep 07, 2023, 05:37 PM
విజయనగరం జిల్లా, చీపురుపల్లి పరిధిలోని వివిధ గ్రామాల్లో ఓ పిచ్చికుక్క స్వైర విహారం చేసి 15 మందిని కాటేసింది. పక్క పక్క గ్రామాలకు పరుగులు తీస్తూ కొన్ని గంటల పాటు భయాందోళన సృష్టించింది. అదుపు చేయాలని ప్రయత్నించిన పలువురు కూడా గాయపడ్డారు. జి.ములగాం, ఇటకర్లపల్లి, పేరిపి, ఎలకలపేట, నాగంపేట, చీపురుపల్లిలోని జి.అగ్రహారం, కస్పావీధికి చెందిన సుమారు 15 మందికి గాయాల య్యాయి. నాగంపేటకు చెందిన బెవర సింహాచలం, ఇటకర్లపల్లికి చెందిన అదపాక శ్రీను, మీసాల సీతంనాయుడు, పేరిపికి చెందిన ఎలకల లావణ్యకు తీవ్ర గాయాలయ్యాయి. కొంతమంది స్వల్ప గాయాలతో ప్రభుత్వ ఆసుపత్రిలో ప్రథమ చికిత్స తీసుకొని ఇళ్లకు వెళ్లారు. పిచ్చి కుక్క చీపురుపల్లి పట్టణంలోనూ పలువుర్ని గాయపరచడంతో పంచాయతీ సిబ్బంది వెతుకులాట ప్రారంభించారు. ఘటనపై ప్రభుత్వాసుపత్రి సూపరింటెండెంట్ డా.నాయక్ మాట్లాడుతూ కుక్క కరిచిన వారందరికీ చికిత్స ప్రారంభించామని, యాంటీ రేబిస్ వ్యాక్సిన్ కూడా ఇచ్చామన్నారు. చీపురుపల్లి ప్రభుత్వ ఆసుపత్రిలో వ్యాక్సిన్కు కొరత లేదని తెలిపారు.
|
|