చంద్రబాబు ఖైదీ నంబర్‌పై ట్రోలింగ్స్,,,,23 నంబర్‌ను ప్రస్తావిస్తూ వరుసగా ట్వీట్స్

మాజీ ముఖ్యమంత్రి చంద్రబాబు రాజమహేంద్రవరం కోర్టులో ఉన్నారు. ఆయనకు రిమాండ్ ఖైదీ నంబర్ 7691 కేటాయించారు. స్నేహ బ్లాక్‌లో ఆయనకు ప్రత్యేకంగా గది కేటాయించారు.. కోర్టు ఆదేశాలతో ఆయనకు ప్రత్యేక వసతులు కల్పిస్తున్నారు. ఇంటి భోజనం, మందులు ఇచ్చేందుకు అనుమతి ఇచ్చారు. ఇదిలా ఉంటే చంద్రబాబుకు జైల్లో కేటాయించిన రిమాండ్ ఖైదీ నంబర్‌పై సోషల్ మీడియాలో ట్రోలింగ్స్ నడుస్తున్నాయి. ముఖ్యంగా వైఎస్సార్‌సీపీ కేడర్‌ ఈ నంబర్‌ను ప్రస్తావిస్తున్నారు.

'కాల నిర్ణయం ఎలా ఉంటుందో చూసారుగా ఎవరినైనా చంద్రబాబు నాయుడికి మళ్ళీ 7619 నెంబర్ వచ్చింది టోటల్ 23 లక్కీ నంబర్ బయట పడే ఛాన్స్ లేదని స్పష్టం చేసేసింది' అంటూ ఒకరు ట్వీట్ చేశారు. 'స్క్రిప్ట్ మామూలుగా లేదుగా.. చంద్రబాబు ఖైదీ నెంబర్‌ 7691(7+6+9+1) అంటే 23.. బాబు అరెస్ట్ అయిన తేదీ 9-9-23 అంటే 23 అంటూ ఎద్దేవా చేస్తున్నారు. సోషల్ మీడియాలో 23 నంబర్ మరోసారి వైరల్ అవుతోంది. 'చంద్రబాబు ఖైదీ నెంబర్ 7691. 7+6+9+1 = 23. చంద్రబాబు గారూ...మీకు 2023 చివరి సంవత్సరం. 24 నుంచి రాజకీయ యవనికపై ఇక కనిపించరు. మీ మామగారు ఎంత మనోవేదన చెందారో ఇప్పుడు అర్ధం అయ్యుంటుంది మీకు' అంటూ వైఎస్సార్‌సీపీ రాజ్యసభ సభ్యుడు విజయసాయిరెడ్డి ట్వీట్ చేశారు. ఈ ట్వీట్ కూడా వైరల్ అవుతోంది.

2019 ఎన్నికల్లో టీడీపీ గెలిచిన ఎమ్మెల్యేల సంఖ్య 23.. అప్పటి నుంచి ఈ నంబర్‌తో వైఎస్సార్‌సీపీ ట్రోల్ చేస్తోంది. ఇప్పుడు కూడా అదే నంబర్ మరోసారి తెరపైకి వచ్చింది. చంద్రబాబుకు జైల్లో ఇచ్చిన నంబర్ 7691 కాగా.. 7+6+9+1=23 అవుతోంది. ఇదే అంశాన్ని సోషల్ మీడియాలో ప్రధానంగా ప్రస్తావిస్తున్నారు. మొత్తానికి 23 నంబర్ టీడీపీకి కలిసి రాలేదని వారి వాదన.. ఈ స్కిల్ డెవలెప్‌మెంట్ కేసులో కూడా చంద్రబాబుకు కష్టాలు తప్పవంటున్నారు.

ప్రధానంగా సోషల్ మీడియాలో మూడు ముఖ్యమైన అంశాలను ప్రస్తావిస్తున్నారు. 2014 ఎన్నికల తర్వాత టీడీపీ వైఎస్సార్‌సీపీలో గెలిచిన 23మంది ఎమ్మెల్యేలలను లాగేసుకుందని.. అందుకే 2019 ఎన్నికల్లో ఆ పార్టీ నుంచి కేవలం 23మంది ఎమ్మెల్యేలు మాత్రమే గెలిచారంటూ ఎద్దేవా చేస్తున్నారు. 2019 ఎన్నికల ఫలితాలు సైతం మే నెల 23వ తేదీనే ప్రకటించారు.. ఇప్పుడు చంద్రబాబుకు ఇచ్చిన ఖైదీ నంబర్ మొత్తాన్ని విడివిడిగా లెక్కిస్తే మళ్లీ అదే 23 వస్తోందని సోషల్ మీడియాలో సెటైర్లు పేలుస్తున్నారు. మొత్తం మీద 23 నంబర్ మరోసారి సోషల్ మీడియాలో వైరల్ అవుతోంది.