ట్రెండింగ్
మూడీస్ ఏజెన్సీ ఆరోపణలపై స్పందించిన కేంద్ర ప్రభుత్వం
national | Suryaa Desk | Published : Tue, Sep 26, 2023, 04:29 PM
ఆధార్ కార్డు వాడకం ద్వారా భద్రతాపరమైన, గోప్యతపరమైన సమస్యలు తలెత్తే అవకాశాలున్నాయనే గ్లోబల్ క్రెడిట్ ఏజెన్సీ మూడీస్ ఆరోపణలపై కేంద్రం స్పందించింది. మూడీస్ చేసిన ఆరోపణలను ఖండించిన కేంద్రం వాటిని నిరాధరమైనవిగా పేర్కొంది. ఆధార్ వ్యవస్థను నిర్వహించే యూనిక్ ఐడెంటిఫికేషన్ అథారిటీ ఆఫ్ ఇండియా కూడా మూడీస్ వాదనలను గట్టిగా ఖండించింది. ప్రత్యేకించి మాన్యువల్ కార్మికులకు, వేడి, తేమతో కూడిన వాతావరణంలో ఆధార్ సేవలు తరచుగా తిరస్కరణలకు గురవుతున్నాయని మూడీస్ ఏజెన్సీ ఆరోపించింది. మూడీస్ ఆరోపణలను ఖండించిన కేంద్రం అంతర్జాతీయ ద్రవ్య నిధి, ప్రపంచ బ్యాంకు వంటి ఇతర ప్రపంచ సంస్థలు ఆధార్ను ప్రశంసించిన విషయాన్ని గుర్తు చేసింది. ఇలాంటి డిజిటల్ గుర్తింపు వ్యవస్థలను ఎలా అమలు చేయాలో అర్థం చేసుకోవడానికి చాలా దేశాలని సంప్రదించాయని పేర్కొంది.
|
|