జైల్లో ఉంటే దోమలు కుట్టక.. రంభ, ఊర్వశి వచ్చి కన్ను కొడతారా: కొడాలి నాని

ఏపీలో చంద్రబాబు అరెస్టు అంశం సంచలనంగా మారింది. స్కిల్ డెవలప్‌మెంట్ కేసులో చంద్రబాబును అరెస్టు చేయగా.. ఆయనకు ఏసీబీ కోర్టు రిమాండ్ విధించిన విషయం తెలిసిందే. అయితే.. ఆ రిమాండ్‌ను మరో 11 రోజులు పొడిగించింది. అయితే.. జైల్‌లో ఉన్న చంద్రాబాబును నిన్న ఆయన సతీమణి భువనేశ్వరి, బ్రాహ్మణి, అచ్చెంనాయుడు ములాఖాత్ అయ్యారు. ములాఖాత్ అనంతరం భువనేశ్వరి చేసిన వ్యాఖ్యలపై వైసీపీ మాజీ మంత్రి కొడాని నాని సెటైర్లు వేశారు. జైల్లో చంద్రబాబు తినేందుకు కనీసం టేబుల్ అయినా వేయలేదని.. ఆయనకు దోమలు కుడుతున్నాయంటూ.. భువనేశ్వరి ఆవేదన వ్యక్తం చేశారు. కాగా.. ఈ వ్యాఖ్యలపై స్పందించిన కొడాలి నాని.. తనదైన శైలిలో వ్యంగ్యాస్త్రాలు సంధించారు.

జైల్లో దోమలు కాకుండా రంభా, ఉర్వశి వచ్చి ఆయనకు కన్నుకొడతాయా అంటూ సైటైర్లు వేశారు కొడాలి నాని. జ్యుడీషియల్ కస్టడీలో ఉన్న ఎవరికైనా జైలులో ఒకే ట్రీట్ మెంట్ ఉంటుందని తెలిపారు. అలా కాదు.. తనకు ఆరోగ్యం బాలేదనో.. లేదా ఇంకేదైనా సమస్య ఉందని కోర్టుకు విన్నవించుకుంటే అందుకు తగినట్టుగా న్యాయస్థానం కొన్ని వసతులు కల్పించే అవకాశం ఉంది. అలా కోర్టు చెప్పిన సౌకర్యాలే జైల్‌లో ఉంటాయని చెప్పారు.

అలా కాకుండా.. ఆయనక చన్నీళ్లతోనే స్నానం చేస్తున్నారని, భోజనం చేసేందుకు టేబుల్ కూడా లేదని భువనేశ్వరి బాధపడతున్నారని.. ఆయనకు వేడి నీళ్లు ఇవ్వాలని, టేబుల్ వేయాలని న్యాయస్థానం చెప్తేనే ఇస్తారంటూ కొడాలి నాని వివరించారు. ఇక జైల్లో ఆయనను దోమలు కుడుతున్నాయని అంటున్నారని.. జైల్లో దోమలు కాకుండా రంభ, ఉర్వశి వచ్చి కన్నుకొడతారా అంటూ సెటైర్లు పేల్చారు. దోమలపై ఆయన దండయాత్ర చేశారు కదా.. అవేమైన పగ తీర్చుకుంటున్నాయేమో పంచులు పేల్చారు.

ఇదే కాకుండా.. బాబుకు బెయిల్ వస్తుందా రాదా అంటూ తెలుగు తమ్ముళ్లు నానా రచ్చ చేస్తున్నారని నాని మండిపడ్డారు. జైలుకు వెళ్లిన వారి బెయిల్ రాకుండా ఉంటుందా అని ప్రశ్నించారు. జైలుకు వెళ్లిన ప్రతీ ఒక్కరికి బెయిల్ వచ్చే అవకాశం ఉందని చెప్పుకొచ్చారు. మరి బాబు జైలుకు వెళ్లకుండా.. ప్రియా పచ్చళ్ల కోసం మామిడి కాయలు కొట్టేందుకు వెళ్లాడా అంటూ మరోసారి సెటైర్లు పేల్చారు కొడాలి నాని. కాగా.. ఆయనకు రెండు రోజులు కస్టడీకి ఇవ్వగా.. విచారించిన సీఐడీ అధికారులు మరో మూడు రోజులు ఇవ్వాలని పిటిషన్ కూడా వేసిన విషయం తెలిసిందే.