గెస్ట్‌హౌస్‌లో ప్రియురాలితో కానిస్టేబుల్ .. రెడ్ హ్యాండెడ్‌గా పట్టుకున్న భార్య
Andhra Pradesh Telugu | Suryaa Desk | Published : Thu, Oct 19, 2023, 07:56 PM
తప్పుచేసిన వారిని దండించి.. సక్రమ మార్గంలో పెట్టాల్సిన ఒక పోలీస్ కానిస్టేబుల్ బుద్ధి పెడదారి పట్టింది. వివాహమై భార్య ఉన్నా.. మరో యువతితో అక్రమ సంబంధం పెట్టుకున్నాడు. ఈ విషయం భార్యకు తెలియడంతో భర్త బండారాన్ని బందువులతో కలిసి బయటపెట్టింది. ప్రియురాలితో గెస్ట్‌హౌస్‌లో కులుకుతూ రెడ్ హ్యాండెడ్‌గా దొరికిపోయాడు. కానిస్టేబుల్ భర్త రాసలీలల గుట్టురట్టయిన ఈ ఘటన గుంటూరులో చోటుచేసుకుంది. వివరాల్లోకి వెళ్తే.. గుంటూరులోని నల్లపాడు పోలీస్ స్టేషన్‌లో కత్తి శ్రీనివాసరావు అనే వ్యక్తి కానిస్టేబుల్‌గా విధులు నిర్వహిస్తున్నాడు.
అతడికి ప్రకాశం జిల్లాకు చెందిన ఓ అమ్మాయితో ఇదివరకే వివాహం జరిగింది. ఇదే సమయంలో మరో యువతితోనూ కానిస్టేబుల్ వివాహేతర సంబంధాన్ని కొనసాగిస్తున్నాడు. ఈ విషయం భార్యకు తెలియడంతో భార్యాభర్తల మధ్య తరచుగా గొడవలు జరుగుతున్నాయి. పలుసార్లు భర్త తీరుపై పోలీసులకు ఆమె ఫిర్యాదు చేసింది. ఈ క్రమంలో గుంటూరులోని ఓ గెస్ట్‌హౌస్‌లో ప్రియురాలితో శ్రీనివాసరావు ఉండగా ఆయన భార్య, బంధువులు రెడ్ హ్యాండెడ్‌గా పట్టుకున్నారు. అక్కడి నుంచే వారు పోలీసులకు సమాచారం అందించారు.
దీంతో, అక్కడకు చేరుకున్న పోలీసులు.. కానిస్టేబుల్ శ్రీను, యువతిని అరెస్ట్ చేసి పోలీస్ స్టేషన్‌కు తరలించారు. కేసు నమోదుచేసి దర్యాప్తు చేపట్టారు. ప్రియురాలి మోజులోపడిన కానిస్టేబుల్ శ్రీనివాస్ కుటుంబాన్ని నిర్లక్ష్యం చేస్తున్నాడని భార్య ఆవేదన వ్యక్తం చేసింది. భర్త ప్రవర్తనలో మార్పును గమనించిన ఆరా తీయడంతో అతడి భాగోతం బట్టబయలైంది.
|
|