విజయనగరం రైలు దుర్ఘటన హెల్ప్ లైన్ నంబర్లు ఇవే
Andhra Pradesh Telugu | Suryaa Desk | Published : Sun, Oct 29, 2023, 09:41 PM
విజయనగరం జిల్లాలో ఘోర రైలు ప్రమాదం చోటు చేసుకుంది. విశాఖ నుంచి పలాస వెళ్తున్న ప్రత్యేక ప్యాసింజర్‌ రైలు కొత్తవలస మండలం అలమంద - కంతకపల్లి వద్ద సిగ్నల్‌ కోసం పట్టాలపై ఆగి ఉంది. అదే సమయంలో వెనకాలే వచ్చిన విశాఖ - రాయగడ ఎక్స్‌ప్రెస్.. పలాస ప్యాసింజర్‌ రైలును ఢీకొట్టింది. ఈ ప్రమాదంలో 4 బోగీలు తీవ్రంగా ధ్వంసమయ్యాయి. ప్రమాద స్థలిలో భీతావహ పరిస్థితి నెలకొంది. చిమ్మ చీకట్లో ఏం జరిగిందో అర్థంకాని పరిస్థితి నెలకొంది. తీవ్రంగా గాయపడిన వారు సహాయం కోసం ఆర్తనాదాలు చేస్తున్నారు. రెండు రైళ్లు ఢీకొనడంతో ఘటనా స్థలంలో విద్యుత్‌ వైర్లు తెగిపోయి, ఆ ప్రాంతమంతా అంధకారం నెలకొంది. దీంతో సహాయక చర్యలకు ఆటంకం ఏర్పడింది
హెల్ప్ లైన్ నంబర్లు:
విజయనగరం రైలు ప్రమాద ఘటనపై రైల్వే అధికారులు హెల్ప్ లైన్ నంబర్లు ఏర్పాటు చేశారు. సమాచారం కోసం.. 0891 2746330, 0891 2744619, 81060 53051, 81060 53052, 85000 41670, 85000 41677, 83003 83004, 85005 85006 నంబర్లను సంప్రదించాలని అధికారులు సూచించారు.
|
|