న్యూమోనియా కి నివారణలు చేపట్టండి
Andhra Pradesh Telugu | Suryaa Desk | Published : Fri, Nov 17, 2023, 04:30 PM
చిన్నారుల్లో న్యూమోనియా లక్షణాలు గుర్తించి, నివారణ చర్యలు చేపట్టాలని పార్వతీపురం డీఎంహెచ్వో బి.జగన్నాథ రావు ఆదేశించారు. గురువారం జిల్లా కేంద్రంలోని పలు అంగన్వాడీ కేంద్రాల్లో న్యూమోనియా, శ్వాస సంబంధమైన వ్యాధుల నియంత్రణపై అవగాహన కార్యక్రమం నిర్వహించారు. ఈ సందర్భంగా పార్వతీపురం పట్టణంలోని 14వ వార్డులోని అంగన్వాడీ కేంద్రంలో వైద్య సిబ్బంది, అంగన్ వాడీలకు ఆయన సూచనలు, సలహాలు అందించారు. ఐదేళ్ల లోపు పిల్లల్లకు వచ్చే ప్రాణాంతక వ్యాధుల్లో న్యూమోనియా ఒకటన్నారు. వ్యాధి లక్షణాలను సులభంగా గుర్తించొచ్చని తెలిపారు. పిల్లల్లో వచ్చే ఈ వ్యాధిని నియంత్రించేందుకు వైదా ్యఆరోగ్యశాఖ ఈ నెల నుంచి వచ్చే ఏడాది ఫిబ్రవరి వరకు సాన్స్ కార్యక్రమం చేపట్టనుందని చెప్పారు. ఈ మేరకు వైద్య, ఐసీడీఎస్ సిబ్బంది సమన్వయంతో పనిచేయాలన్నారు. శ్వాస తీసుకునేటప్పుడు శబ్దం రావడం, పక్కటె ముకలు కదలడం, జలుబు, దగ్గు అధికంగా ఉండడం, అధిక జ్వరం, తినకపోవడం, అధికంగా నిద్రపోవడం వంటి లక్షణాలు ఉంటే వెంటనే చిన్నారులను సమీప ఆసుపత్రికి తీసుకెళ్లాలని అంగన్వాడీలకు సూచించారు. ఆయన వెంట డీఐవో జగన్మోహన్ రావు, తదితరులున్నారు.
|
|