మరో 3 నెలల్లో ఎన్నికలు.. భారీగా ఐఏఎస్‌లను బదిలీ చేసిన ఏపీ సర్కారు
Andhra Pradesh Telugu | Suryaa Desk | Published : Tue, Dec 19, 2023, 10:41 PM
ఆంధ్రప్రదేశ్‌లో ఎన్నికలు సమీపిస్తున్న తరుణంలో ప్రభుత్వం భారీ సంఖ్యలో ఐఏఎస్‌లను బదిలీ చేస్తూ ఉత్తర్వులు వెలువరించింది. మొత్తం 17 మంది ఐఏఎస్‌లను బదిలీ చేయగా.. వీరిలో కొందరికి జాయింట్ కలెక్టర్లుగా, సబ్-కలెక్టర్లుగా, స్పెషల్ ఆఫీసర్లు, కార్పొరేషన్‌ల సీఈఓలుగా బాధ్యతలు అప్పగించింది. సత్యసాయి జిల్లా జేసీగా అభిషేక్ కుమార్, అల్లూరి జిల్లా జేసీగా కొల్లాబత్తుల కార్తీక్, ఎంఎస్‌ఎంఈ కార్పొరేషన్ సీఈఓగా సేదు మాధవన్, మిడ్ డే మీల్స్ స్పెషల్ ఆఫీసర్‌గా ఎస్ఎస్ శోభిక, పాడేరు సబ్ కలెక్టర్‌గా పెద్దిటి ధాత్రి రెడ్డి, పెనుకొండ సబ్ కలెక్టర్‌గా అపూర్వ భరత్‌ను నియమించింది.
కొవ్వూరు సబ్ కలెక్టర్‌గా అశుతోష్ శ్రీవాత్సవ, కందుకూరు సబ్ కలెక్టర్‌గా గొబ్బిల విద్యాధరి, తెనాలి సబ్ కలెక్టర్‌గా ప్రకార్ జైన్, మార్కాపురం సబ్ కలెక్టర్‌గా రాహుల్ మీనా, ఆదోని సబ్ కలెక్టర్‌గా శివ్ నారాయణ్ శర్మ, రంపచోడవరం సబ్ కలెక్టర్‌గా ఎస్.ప్రశాంత్ కుమార్, శాప్ వీసీ ,ఎండీగా హెచ్.ఎం. ధ్యానచంద్ర, విలేజ్, వార్డు సెక్రటేరియట్ డైరెక్టర్‌గా టీఎస్ చేతన్, అడిషినల్ డైరెక్టర్‌గా గీతాంజలి శర్మ, తిరుపతి జేసీగా శుభం బన్సాల్, బీసీ వెల్ఫేర్ డైరెక్టర్‌గా జె. శివ శ్రీనివాస్‌లను బదిలీ చేస్తూ ప్రభుత్వం ఉత్తర్వులు జారీచేసింది.
|
|