నేడు 3 నియోజకవర్గాల్లో ప్రజాగళం సభలు
Andhra Pradesh Telugu | Suryaa Desk | Published : Fri, Mar 29, 2024, 10:59 AM
నేడు నారా చంద్రబాబు నాయుడు నంద్యాల జిల్లా బనగానపల్లెలో పర్యటించనున్నారు. ఎన్నికల ప్రచారంలో భాగంగా బనగానపల్లె పెట్రోల్ బంకు జంక్షన్ లో ఏర్పాటు చేసిన బహిరంగ సభలో చంద్రబాబు ప్రసంగించనున్నారు. బాబు పర్యటనకు సంబంధించి మాజీ ఎమ్మెల్యే బీసీ జనార్దన్ రెడ్డి హెలిప్యాడ్ గ్రౌండ్ ప్రాంగణాన్ని, సభ జరిగే ప్రాంతాన్ని పరిశీలించి అన్ని ఏర్పాట్లను పూర్తి చేశారు. హెలిప్యాడ్ మైదానం నుంచి ప్రత్యేక వాహనంలో పెట్రోలు బంకు జంక్షన్, బహిరంగ సభ ప్రాంతానికి చేరుకుంటారు.
ఉదయం 11 గంటల నుంచి మధ్యాహ్నం 12.30 గంటల వరకు చైతన్య రథంపై ఏర్పాటు చేసిన బహిరంగ సభలో చంద్రబాబు ప్రజలనుద్దేశించి ప్రసంగించనున్నారు. మధ్యాహ్నం 12:40 గంటలకు బనగానపల్లె మాజీ ఎమ్మెల్యే బీసీ జనార్దన్ రెడ్డి నివాసంలో భోజనం చేసిన అనంతరం టీడీపీలో చేరుతున్న వైసీపీ నేతలకు పార్టీ కండువాలు కప్పి టీడీపీలోకి ఆహ్వానించారు. జనసేన, బీజేపీ శ్రేణులు వేలాదిగా తరలివచ్చి ప్రజా గళం సభను విజయవంతం చేయాలని మాజీ ఎమ్మెల్యే బీసీ జనార్దన్ రెడ్డి పిలుపునిచ్చారు.
|
|