ఏపీలో రైలు ప్రయాణికులకు గుడ్న్యూస్.. ఈ ప్రత్యేక రైళ్లు పొడిగింపు, పూర్తి వివరాలివే
Andhra Pradesh Telugu | Suryaa Desk | Published : Tue, Apr 02, 2024, 08:12 PM
ఏపీలో రైలు ప్రయాణికులకు శుభవార్త చెప్పింది రైల్వేశాఖ. వేసవి రద్దీని దృష్టిలో పెట్టుకుని ప్రయాణికుల సౌకర్యార్థం ప్రస్తుతం నడుస్తున్న ప్రత్యేక రైళ్లను జూన్ నెలాఖరు వరకూ కొనసాగించాలని నిర్ణయించినట్టు సీనియర్ డీసీఎం ఏకే త్రిపాఠి తెలిపారు. ప్రతి సోమవారం విశాఖ నుంచి సికింద్రాబాద్ నడుస్తున్న ఎక్స్ప్రెస్ (08579)ను జూన్ 26వ తేదీ వరకు.. తిరుగు ప్రయాణంలో ప్రతి మంగళవారం సికింద్రాబాద్ నుంచి విశాఖ వచ్చే ఎక్స్ప్రెస్ (08580)ను జూన్ 27వ తేదీ వరకు పొడిగించినట్లు తెలిపారు.
అంతేకాదు ప్రతి సోమవారం విశాఖ నుంచి తిరుపతి వెళ్లే ఎక్స్ప్రెస్ (08583)ను జూన్ 24వ తేదీ వరకు.. తిరుగు ప్రయాణంలో ప్రతి మంగళవారం తిరుపతి నుంచి విశాఖ వచ్చే ఎక్స్ప్రెస్ (08584)ను జూన్ 25వ తేదీ వరకు పొడిగించారు. ప్రతి ఆదివారం విశాఖ నుంచి బెంగళూరు వెళ్లే ఎక్స్ప్రెస్ (08543)ను జూన్ 30వ తేదీ వరకు.. తిరుగు ప్రయాణంలో బెంగళూరు నుంచి విశాఖ వచ్చే ఎక్స్ప్రెస్ (08544)ను జూలై ఒకటి వరకు పొడిగించింది రైల్వేశాఖ. ప్రతి మంగళవారం విశాఖ నుంచి కర్నూలు సిటీ వెళ్లే ఎక్స్ప్రెస్ (08585)ను జూన్ 25వ తేదీ వరకు.. తిరుగు ప్రయాణంలో కర్నూలు సిటీ నుంచి విశాఖ వచ్చే ఎక్స్ప్రెస్ (08586)ను జూన్ 26వ తేదీ వరకు పొడిగిస్తున్నట్టు అధికారులు తెలిపారు.
|
|