ట్రెండింగ్
బీజేపీ తరపున తమిళనాడులో ప్రచారం చేయనున్న లోకేష్
Andhra Pradesh Telugu | Suryaa Desk | Published : Wed, Apr 10, 2024, 09:58 PM
టీడీపీ జాతీయ ప్రధాన కార్యదర్శి లోకేష్ రెండు రోజులపాటు తమిళనాడులో పర్యటించనున్నారు. రేపు, ఎల్లుడిం ఆయన కొయ్యంబత్తూరులో ఎన్నికల ప్రచారం నిర్వహిస్తారు. బీజేపీ తమిళనాడు అధ్యక్షులు అన్నామలై తరపున లోకేష్ ఎన్నికల ప్రచారంలో పాల్గొంటారు. ఈ సీటును ఎన్డీయే కూటమి ప్రతిష్టాత్మకంగా తీసుకుంది. ఇప్పటికే అన్నామలై తరపున దేశ వ్యాప్తంగా ఉన్న పలువురు యువకులు, ఎన్డీయే పక్షాల నాయకులు వచ్చి ఎన్నికల ప్రచారం నిర్వహిస్తున్నారు. ముఖ్యంగా కొయ్యంబత్తూరు లోక్సభ నియోజకవర్గం పరిధిలో ఉన్న తెలుగువారి ఓట్లను ఆకర్షించడమే లక్ష్యంగా లోకేష్ పర్యటన సాగనుంది. తెలుగువారు ఎక్కువుగా స్థిరపడిన ప్రాంతాల్లో లోకేష్ పర్యటిస్తారు.
|
|