కూటమి గెలుపు ఖాయం
Andhra Pradesh Telugu | Suryaa Desk | Published : Sun, May 12, 2024, 01:10 AM
ఎన్నికల్లో కాకినాడ సిటీ కూటమి అభ్యర్ధి వనమాడి కొండబాబు భారీ మెజారిటీతో విజయం సాధించడం ఖాయమని కాకినాడ సిటీ టీడీపీ ఎన్నికల కో ఆర్డినేటర్ వనమాడి ఉమాశంకర్ పేర్కొన్నారు. సార్వత్రిక ఎన్నికల ప్రచారం గడువు ముగుస్తున్న తరుణంలో ఆయన ప్రచార వివరాలను తెలియజేశారు. ఉమ్మడి కార్యచరణతో కాకినాడ నగరంలోని 43 డివిజన్లలో పార్టీశ్రేణులు, కూటమి పక్షాలను కలుపుకుని విజయవంతంగా ప్రచారం పూర్తి చేశారన్నారు. ఎక్కడికక్కడ ప్రజల నుంచి అభ్యర్థి కొండబాబుకు విశేష స్పందన లభించిందన్నారు. టీడీపీ, జనసేన, బీజేపీ కూటమి అధికారంలోకి రావాలని అన్ని వర్గాల ప్రజలు ఎదురుచూస్తున్నారన్నారు. ఎన్నికల ప్రచారం ప్రారం భం నుంచి ఇప్పటి వరకు కూటమి పక్షాల నాయకులు, శ్రేణులు పూర్తి సహకారం అందించారన్నారు. ప్రజలలో కనిపిస్తున్న ఆసక్తి చూస్తుంటే 2019 ఎన్నికల కంటే ఈ సారి ఓటింగ్ శాతం గణనీయంగా పెరుగనుందన్నారు. కూటమి అంటే ఏమిటో చూపేలా స్నేహితులం, కుటుంబ సభ్యులందరం విస్తృతంగా ప్రచారం సాగించామన్నారు. ఈ ఎన్నికల్లో అద్భుత ఫలితాలు రాబోతున్నాయని ఉమాశంకర్ పేర్కొన్నారు.
|
|