అంబటి రాయుడుకు అండగా ఉండాలి
Andhra Pradesh Telugu | Suryaa Desk | Published : Thu, May 30, 2024, 07:50 PM
ఐపీఎల్‌లో ప్లేఆఫ్ స్టేజ్‌కు చేరుకున్న రాయల్ ఛాలెంజర్స్ బెంగళూరు జట్టుపై కామెంటెటర్‌గా అంబటి రాయుడు సెటైర్లు వేశారు. ఆరెంజ్ క్యాప్ టైటిల్ తెచ్చి పెట్టదంటూ పరోక్షంగా కోహ్లీపై రాయుడు కామెంట్స్ చేశారు. ప్లే ఆఫ్ చేరడంతోనే టైటిల్ గెలిచినట్లు సంబరాలు చేసుకున్నారనడంతో కోహ్లీ ఫ్యాన్ అంబటిని టార్గెట్ చేశారు. సోషల్ మీడియాలో అంబటిపై అభ్యంతరకర పోస్టులు పెట్టడంతో పాటు.. కొందరు గుర్తు తెలియని వ్యక్తులు ఫోన్ చేసి చంపేస్తామంటూ బెదిరింపు కాల్స్ చేస్తున్నారు. తనకు బెదిరింపు కాల్స్ రావడంపై అంబటి రాయుడు నేరుగా స్పందించలేదు. తన ఫ్యామిలీ ఫ్రెండ్ సామ్‌పాల్ ఈ విషయాన్ని బయటపెట్టారు. ఇలాంటి బెదిరింపులకు పాల్పడటం ద్వారా కుటుంబ సభ్యులు ఆందోళన చెందుతారని.. ఇటువంటి వాటిపై చర్యలు తీసుకోవాలని కోరారు. ఈ సమయంలో పోలీసు వ్యవస్థ, న్యాయ వ్యవస్థ అంబటి రాయుడుకు అండగా ఉండాలని సామ్‌పాల్ కోరారు.
|
|