ట్రెండింగ్
రోడ్డు ప్రమాదంలో యువకుడు మృతి
Andhra Pradesh Telugu | Suryaa Desk | Published : Sun, Jun 02, 2024, 07:53 PM
అనారోగ్యంతో ఆస్పత్రిలో చికిత్స పొందుతున్న తల్లిని చూసేందుకు తండ్రిని తీసుకెళ్తున్న ఓ ఇంజనీరింగు విద్యార్థి రోడ్డు ప్రమాదంలో ప్రాణాలు కోల్పోయాడు.పోలీసుల కథనం మేరకు.... సూళ్లూరుపేట పట్టణం సాయినగర్‌లో నివాసం ఉంటున్న శరత్‌కుమార్‌ రెడ్డి భార్య పవిత్ర అనారోగ్యంతో గూడూరులోని ఓ ప్రైవేటు ఆస్పత్రిలో చికిత్స పొందుతోంది.శనివారం శరత్‌కుమార్‌రెడ్డి తన కుమారుడు హర్షిక్‌(21)తో కలిసి భార్యను చూసేందుకు బైక్‌పై గూడూరుకు బయల్దేరాడు. మార్గమధ్యంలోని పండ్లూరు సమీపంలోకి రాగానే ముందు వెళుతున్న లారీ బ్రేక్‌ వేయడంతో హర్షిక్‌ నడుపుతున్న బైక్‌ ఢీకొంది. ఈ ప్రమాదంలో హర్షిక్‌ మృతి చెందగా శరత్‌కుమార్‌రెడ్డి తీవ్రంగా గాయపడ్డాడు. సమాచారం అందుకుని సంఘటనా స్థలానికి చేరుకున్న పోలీసులు శరత్‌కుమార్‌రెడ్డిని మెరుగైన వైద్యం కోసం నెల్లూరుకు తరలించారు.
|
|