పాడుబడ్డ బావిలో వింత శబ్దాలు.. రైతు వెళ్లి చూస్తే, అమ్మబాబోయ్

అనకాపల్లి జిల్లా వీ మాడుగులలో ఓ రైతు పొలంలో పాడుబడ్డ బావి ఉంది.. అందులో నుంచి వింత శబ్దాలు వస్తున్నాయి. పొలం వెళ్లిన ఈశ్వరరావు ఈ శబ్దాలను గమనించారు.. ఏమైందని వెళ్లి బావిలోకి తొంగి చూడగా షాకింగ్ సీన్ కనిపించింది. భయంతో పరుగున వెళ్లి స్థానికులతో కలిసి అటవీశాఖ అధికారులకు సమాచారం ఇచ్చారు. అప్పుడు ఏం జరిగిందని చూడగా.. అసలు విషయం తెలిసింది.

  అనకాపల్లి జిల్లా వి.మాడుగులకు చెందిన పోతల ఈశ్వరరావుకు ఊరి శివారులో పొలం ఉంది. ఆ పొలంలో పాడుబడ్డ బావి ఒకటి ఉంది. ఆ చుట్టుపక్కల ప్రాంతాల్లో పాములు ఎక్కువగా సంచరిస్తుంటాయి. పొలాల్లో ఉండే బల్లులు, కప్పలు, జంతువులు, గుడ్లతో పాటూ చిన్న, చిన్న పాముల్ని కూడా తిని బతుకుతుంటాయి. పాములు సాధారణంగా కప్పల్ని మింగేస్తుంటాయి.. కానీ ఇక్కడ మాత్రం గిరినాగు జెర్రిపోతును వెంటాడి వేటాడింది.

ఈశ్వరరావు పొలానికి సమీపంలో 12 1డుగుల పొడవున్న గిరునాగు సంచరిస్తోంది.. ఆ కింగ్ కోబ్రా కన్ను అక్కడే తిరుగుతున్న ఆరడుగుల జెర్రిపోతు (పాము)పై పడింది. ఆకలితో ఉన్న గిరినాగు జెర్రిపోతును వెంటాడింది.. ఈ క్రమంలో ఈ రెండు వెళ్లి ఈశ్వరరావు పొలంలో ఉన్న పాడుబడ్డ బావిలో పడిపోయాయి. బావిలో నుంచి ఏదో శబ్దం వినిపించడంతో వెళ్లి చూశాడు. బావిలో ఏవో అటు ఇటు కదులుతూ కనిపించాయి. ఆ తర్వాత గమనిస్తే ఓ జెర్రిపోతు నీళ్లపై తేలియాడుతుంది. ఆ పక్కనే కింగ్ కోబ్రో బావి నుంచి బయటకు వచ్చేందుకు ప్రయత్నిస్తోంది.

బావిలో సీన్ చూసి షాకైన రైతు భయంతో అక్కడి నుంచి పరుగులు తీశాడు.. వెంటనే అటవీశాఖ అధికారులకు, స్నేక్ క్యాచర్ వెంకటేష్‌కు సమాచారం ఇచ్చాడు. ఆ తర్వాత కొద్దిసేపటికి స్నేక్ క్యాచర్ వెంకటేష్ ఘటనాస్థలికి వచ్చారు.. దాదాపు రెండు గంటలు పాటు శ్రమించి అతికష్టం మీద భారీ గిరి నాగును బావి నుంచి బయటకు తీశారు. ఆ కింగ్ కోబ్రాను జాగ్రత్తగా తీసుకెళ్లి దగ్గరలో ఉన్న అటవీ ప్రాంతంలో వదిలేశారు.