రోడ్డు ప్రమాదంలో ఆర్మీ జవాన్ మృతి
Andhra Pradesh Telugu | Suryaa Desk | Published : Fri, Jul 19, 2024, 05:47 PM
సోంపేట-బారువ రహదారిలోని కంబ ప్రాంతం లో గురువారం రాత్రి జరిగిన రోడ్డు ప్రమాదంలో ఆర్మీ జవాన్ తెలుకల శ్రీకాంత్‌ సాహు అక్కడికక్కడే మృతిచెందాడు. స్థానికు లు, పోలీసులు తెలిపిన వివరాల మేరకు.. తెలుకల శ్రీకాంత్‌ తన చిన్నాన్న కుమారుడు తెలుకల వంశీతో కలిసి ద్విచక్ర వా హనంపై సోంపేట వెళ్లారు. తిరిగివస్తూ కంబ ప్రాంతంలో మర మ్మతులకు గురై రోడ్డు పక్కన ఆగి ఉన్న లారీని ఢీకొట్టారు. ఈ ఘటనలో శ్రీకాంత్‌ అక్కడికక్కడే మృతిచెందగా.. గాయపడిన వంశీని చికిత్స నిమిత్తం బారువ ఆసుపత్రికి తరలించారు. కాగా శ్రీకాంత్‌కు తండ్రి పార్వతీశం, తల్లి జున్ను, సోదరుడు, సోదరి ఉన్నారు. ఎనిమిదేళ్ల కిందట ఆర్మీలో చేరి ప్రస్తుతం మధ్యప్రదేశ్‌లో విధులు నిర్వహిస్తూ.. ఆరు రోజుల కిందట సెలవుపై గ్రామానికి వచ్చాడు. దీంతో గ్రామంలో విషాదచాయలు నెలకొన్నాయి. బారువ పోలీసులు కేసు నమోదు చేసి దర్యాప్తు చేస్తున్నారు.
|
|