ట్రెండింగ్
నారా లోకేష్‌ ఓఎస్‌డీ గా మార్కాపురం వాసి
Andhra Pradesh Telugu | Suryaa Desk | Published : Thu, Aug 01, 2024, 07:00 PM
రాష్ట్ర మానవవనరుల అభివృద్ధిశాఖ మంత్రి నారా లోకేష్‌ ఓఎస్‌డీ గా మార్కాపురం పట్టణానికి చెందిన ఆకుల వెంకటరమణ నియమితులయ్యారు. ఈయన గతంలో తూర్పు గోదావరి జిల్లా చింతూరు ఐటీడీఏ ప్రాజెక్టు ఆఫీసర్‌గా పనిచేశారు. అక్కడ గిరిజనులతో మమేకమై వారికి ప్రభుత్వ పథకాలను అందించడంలో, జీవన ప్రమాణాలను పెంపొందించడంలో సఫలీకృతులయ్యారు. అక్కడ నుంచి కడప జిల్లా బద్వేలు ఆర్డీవోగా బదిలీ అయ్యారు. అక్కడకూడా సమర్థవంతమైన అధికారిగా ఉన్నతాధికారుల నుంచి ప్రశంసలు పొందారు. ప్రస్తుతం వెంకటరమణ అత్యంత కీలకమైన మానవ వనరులశాఖలో మంత్రి నారా లోకేష్‌ ఓఎస్‌డీగా నియమితులు కావడం పై పలువురు హర్షం వ్యక్తం చేస్తున్నారు.
|
|