ట్రెండింగ్
వైసీపీ జెడ్పీటీసీ ఇంటిపై దాడికి యత్నించిన టీడీపీ కార్యకర్తలు
Andhra Pradesh Telugu | Suryaa Desk | Published : Tue, Aug 13, 2024, 01:25 PM
పల్నాడు జిల్లా పెదకూరపాడు వైయ‌స్ఆర్‌సీపీ జెడ్పీటీసీ కంకణాల స్వర్ణకుమారి ఇంటిపై ఆదివారం తెల్లవారుజామున టీడీపీ కార్యకర్తలు దాడికి దిగారు. ఒక్కసారిగా 15 మంది టీడీపీ నేతలు పెదకూరపాడు మండలం గారపాడులోని జెడ్పీటీసీ ఇంటిలోకి ప్రవేశించి ఆమె సెల్‌ఫోన్‌ లాక్కొని పగలకొట్టారు. వృద్ధురాలన్న కనికరం కూడా లేకుండా స్వర్ణకుమారి తల్లి గణేశ్‌ శివమ్మని కింద పడేశారు. దీంతో ఆమె కాళ్లకు గాయాలయ్యాయి. టీడీపీ గూండాలను అడ్డుకోవడానికి ప్రయత్నించిన జెడ్పీటీసీ స్వర్ణకుమారిని, ఆమె పెద్ద కుమార్తెను పక్కకు తోసేశారు. ‘నీ భర్తను పిలువు.. మాకు అప్పగించు’ అంటూ దౌర్జన్యం చేశారు. తన భర్త ఇక్కడ లేరని చెప్పినా వినిపించుకోకుండా భయోత్పాతం సృష్టించారు. ఆ సమయంలో వారు తీసిన వీడియో సోషల్ మీడియాలో ప్రస్తుతం వైరల్ గా మారింది.
|
|