ట్రెండింగ్
బాలుడి కిడ్నాప్‌కి పాల్పడిన నలుగురు అరెస్ట్
Andhra Pradesh Telugu | Suryaa Desk | Published : Tue, Aug 13, 2024, 03:21 PM
పలాస-కాశీబుగ్గలో బాలుడి కిడ్నాప్‌ కలకలం రేగింది. ఈ ఘటనలో నలుగురు అరెస్టు కాగా.. అందులో ఇద్దరు మిలటరీ జవానులు కూడా పోలీసులకు పట్టుబడడం చర్చనీయాంశమైంది. బాలుడు సురక్షితంగా ఇంటికి చేరుకోవడంతో కుటుంబ సభ్యులు ఊపిరిపీల్చు కున్నారు. పోలీసులు తెలిపిన వివరాలిలా ఉన్నాయి. పలాస- కాశీబుగ్గ జంట పట్టణాలకు చెందిన కె.విశ్వజిత్‌ అనే 13 ఏళ్ల బాలుడు ఆదివారం మధ్యాహ్నం నుంచి కనిపించకపోవ డంతో కుటుంబీకులు బాలుడి ఫోటో, వివరాలు సామాజిక మాధ్యమాల్లో పోస్టు చేశారు. కాగా.. కాశీబుగ్గ ఎంపీడీవో కార్యాలయం రోడ్డులో ఈ బాలుడిని మరో వ్యక్తి ద్విచక్ర వాహనంపై తీసుకెళ్లడాన్ని చూసిన ప్రత్యక్ష సాక్షులు పోలీసు లకు సమాచారం ఇచ్చారు. మొత్తం నలుగురు వ్యక్తులు కిడ్నాప్‌ చేసినట్లు తెలియడంతో పోలీసులు అప్రమత్తమై.. వారిని పట్టుకున్నారు.
|
|