ట్రెండింగ్
పలు అభివృద్ధి కార్యక్రమాలకి శంఖుస్థాపన చేసిన మంత్రి
Andhra Pradesh Telugu | Suryaa Desk | Published : Tue, Oct 29, 2024, 06:19 PM
చిన్నమండెం మండలం వండాడి గ్రామం కదిరివాండ్లపల్లె హరిజనవాడలో సీసీ రోడ్డు నిర్మాణానికి సోమవారం రాష్ట్ర రవాణా, యువజన, క్రీడాశాఖ మంత్రి మండిపల్లి రాంప్రసాద్‌రెడ్డి భూమిపూజ చేశారు. ఈ సందర్భంగా రాంప్రసాద్‌రెడ్డి మాట్లాడుతూ రాయచోటి నియోజకవర్గం ఎంతో వెనుకబడి ఉందన్నారు.
కూటమి ప్రభుత్వం ఏర్పడిన తర్వాత ప్రతి గ్రామంలో సీసీ రోడ్లు, డ్రైనేజీ కాలువలు, తాగునీటి సమస్య పరిష్కారానికి చర్యలు తీసుకుంటున్నా మన్నారు. రాబోయే రోజుల్లో నియోజకవర్గంలోని ప్రతి గ్రామంలో సిమెంటు రోడ్లతోపాటు అన్ని మౌలిక వసతులు కల్పిస్తామన్నారు. ఈ కార్యక్రమంలో టీడీపీ నాయకులు డాక్టర్‌ లక్ష్మిప్రసాద్‌రెడ్డి, మౌర్యారెడ్డి, టీడీపీ నాయకులు, కార్యకర్తలు తదితరులు పాల్గొన్నారు.
|
|